मस्को- रुसी राष्ट्रपति भ्लादिमिर पुटिनले बिहीबार ताजिकिस्तान भरपर्दो सहयोगी भएको र रुसले ताजिकिस्तानसँगको सम्बन्धलाई महत्व दिने बताउनुभएको छ।
दोस्रो रूस–मध्य एसिया शिखर सम्मेलन र ‘कमनवेल्थ अफ इन्डिपेन्डेन्ट स्टेट्स हेड अफ स्टेट काउन्सिल’को बैठकमा भाग लिने क्रममा ताजिकिस्तानमा रहनुभएका रुसी राष्ट्रपतिले इमोमाली रहमानसँगको वार्तामा ताजिकिस्तानलाई रूसको भरपर्दो सहयोगी भएको बताउनुभएको हो ।
वार्ताका क्रममा रहमोनले व्यापार, संस्कृति र सुरक्षाका साथै क्षेत्रीय र अन्तर्राष्ट्रिय सहयोगमा द्विपक्षीय सम्बन्धहरूमा निरन्तर प्रगतिको बारेमा चर्चा गर्नुभएको थियो।
वार्तापछि दुवै पक्षले ताजिकिस्तानको साना उद्योगमा व्यापार, यातायात र लगानीसम्बन्धी सहयोग सम्बन्धी विभिन्न दस्तावेजमा हस्ताक्षर गरेका छन् ।
आजै राष्ट्रपति पुटिनले अजरबैजानका राष्ट्रपति इल्हाम अलियेवसँग भेटवार्ता गर्नुभएको थियो । भेटमा रूसी नेता पुटिनले रुसले युक्रेनी ड्रोनलाई लक्षित गरी क्षेप्यास्त्र परिचालन गरेको र ती विमानबाट केही मिटर टाढा विस्फोट हुँदा यसै बर्षको सुरूमा अजरबैजानको विमान दुर्घटना भएको पहिलो पटक औपचारिकरूपमा स्वीकार गर्नुभएको थियो ।
उहाँले उक्त दुखद घटनाका लागि क्षतिपूर्ति प्रदान गर्न आवश्यक सबै काम गर्ने र सबै अधिकारीहरूको जिम्मेवारीको कानुनी मूल्याङ्कन गरिने बताउनुभएको थियो।”
