गाजा । इजरायली सेनाले गाजा सहरमा श्रृंखलाबद्ध आक्रमण गरेको छ, जब ट्रम्पले चलिरहेको वार्ताका बीच बमबारी रोकिनुपर्ने आह्वान गरेका थिए । इजरायली सेनाले सार्वजनिक गरेको फुटेजमा गाजामा ठूलो विस्फोट भएको देखिन्छ ।

टूइटरमा पोस्ट गरिएको एउटा बयानमा, इजरायली सेनाले प्यालेस्टिनी लडाकुहरूलाई लक्षित गरेको बताएको छ । यसले जनाएको छ, कि यसको सेनामा मोर्टार बम पनि हानिएको थियो, जसले एक सैनिकलाई घाइते बनाएको छ ।

गत महिनादेखि, इजरायली सेनाले गाजा सहरमा आफ्नो आक्रमणलाई तीव्र बनाएको छ, घेराबन्दी भएको क्षेत्रमा सबैभन्दा ठूलो सहर कब्जा गर्ने योजनामा रहेको बताइएको छ ।

विस्थापित प्यालेस्टिनियनहरू घर फर्कने पर्खाइमा

दक्षिणी गाजामा विस्थापित प्यालेस्टिनियनहरूले भन्छन् कि उनीहरू अझ खराब बन्दै गएको परिस्थितिमा फँसेको महसुस गरिरहेका छन् ।

आस राख्छन् कि शान्ति सम्झौता हुन सके उनीहरू उत्तरको आफ्ना घरमा फर्कन पाउनेछन् । नाडा, जसको श्रीमान भोजनको खोजीमा मारिए, अब आफ्नी दुई छोरीहरूको साथ कम्बल र प्लास्टिकको अस्थायी तम्बूमा बस्दैछिन् ।

‘हामीलाई कहाँ जाने वा के गर्ने थाहा छैन’ उनले भनिन्– ‘म आफ्ना बच्चाहरूको साथ एक्लै छु, परिवारबाट छुट्टिइएको । हामीसँग खाना, पानी वा लुगा छैन । हामी प्रार्थना गर्छौँ कि सम्झौता हुन्छ र हामी पहिलो मा उत्तर फर्कन पाउने मध्ये एक हुनेछौँ, यद्यपि मेरो घर नष्ट भइसकेको छ।’

अर्काे विस्थापित प्यालेस्टिनियन महिला अतफले भनिन् कि उनको घर युद्धको सुरुदिनमै नष्ट भयो । ‘मैले सकेसम्म मेरो थलोमा टिकेर बसेँ, तर इजरायली मिसाइल र गोला–बारुद चारैतिर उडिरहेका थिए’, उनले भनिन्– ‘हामी बच्चाहरू र नातिनीहरूको साथ पैदल दक्षिणतर्फ निस्क्यौँ, तर मेरा दुई छोराले साथ दिन सकेनन् । म प्रार्थना गर्छु कि यो सबै अन्त्य होस् र हामी आफ्नो छिमेकमा फर्कन सकौँ ।’

एम्स्टर्डमदेखि इस्तानबुलसम्मको व्यापक प्रदर्शन

एम्स्टर्डमदेखि इस्तानबुलसम्मको व्यापक प्रदर्शन इजरायलको गाजामा हुने जनसंहारको विरोध गरेका छन् । आइतवार यूरोपभर सयौँ हजारौँ मानिसहरू सडकमा निस्किएका छन् । सबैभन्दा ठूलो प्रदर्शन नेदरल्याण्ड्समा भएको थियो, त्यहाँ करिब २,५०,००० मानिसहरूको उपस्थितिले एम्स्टर्डमको म्यूजियम स्क्वायर भरिएको थियो ।

इस्तानबुलमा, विशाल भीडले हागिया सोफिया मस्जिददेखि गोल्डेन हर्नको किनारसम्म पदयात्रा गरेको थियो, जहाँ तुर्की र प्यालेस्टिनी झण्डा सजाइएको डुंगाहरू उनीहरूको प्रतीक्षामा थिए । सोफियामा, बुल्गेरियालीहरूले ‘गाजाः भोकमरी युद्धको हतियार हो’ र ‘गाजा बच्चाहरूको सबैभन्दा ठूलो चिहान हो’ भन्ने प्लेकार्ड लिएर प्रदर्शन गरे । मोरोक्कोको राजधानी रबातमा, भीडले इजरायली झण्डा जलायो र आफ्नो सरकारले २०२० मा इजरायलसँग सम्बन्ध सामान्य पार्ने निर्णय फिर्ता गर्न आग्रह गरेको थियो ।

विशाल प्रदर्शनहरूको अनुसरण गर्दै स्पेनभरी, साना ¥यालीहरू म्याड्रिड र बार्सिलोनामा दिनअघि भएका थिए । जहाँ पदयात्राका सहभागीहरूले गाजाका बालबालिकाका शवलाई प्रतीक गर्ने सेतो झोलाहरू लिएर हिंडेका थिए ।

युद्ध सुरु भएदेखि १,१५० बढी सैनिकहरू मारिएका छन्

इजरायलको रक्षा मन्त्रालयले प्रकाशित गरेका आँकडा अनुसार, अक्टोबर २०२३ मा गाजा माथिको इजरायलको युद्ध सुरु भएयता कम्तीमा १,१५२ इजरायली सैनिक मारिएका छन् ।

यिनै सैनिकमध्ये करिब ४२ प्रतिशतको उमेर २१ वर्ष मुनि थियो र यो आँकडामा सैनिक, प्रहरी अधिकारी, शिन बेत र विशेष अपरेशन बलहरू समावेश छन् ।

यो आँकडामा अक्टोबर ७ को आक्रमणमा मारिनेहरू पनि समावेश छन् ।