काठमाडौँ । लामो दुरी र काठमाडौँ भित्रिने/बाहिरिने लामो दुरीका सवारीसाधन तीन दिनका लागि बन्द गरिएको छ ।

२०८२ असोज १८ गते शुक्रबारबाट निरन्तर भारी वर्षा भइरहेको र अझै २० गतेसम्म वर्षा जारी हुने पूर्वानुमानका कारण यातायात बन्द गरिएको हो ।

राष्ट्रिय बिपत् जोखिम न्यूनीकरण तथा व्यवस्थापन प्राधिकरणले भारी वर्षाका कारण बाढीपहिरो र डुबानको जोखिम बढेकाले उपत्यका भित्रिने र बाहिरिने सवारीसाधन बन्द गरिएको जनाएको छ ।

“सबै जिल्लाबाट चल्ने लामो दुरीका र काठमाडौँ उपत्यका भित्रिने/बाहिरिने सवारी साधन आवतजावत २०८२ असोज १८, १९ र २० गतेका लागि बन्द गरिएको बेहोरा निर्देशानुसार जानकारी गराइन्छ” प्राधिकरणको सूचनामा भनिएको छ ।