खिमराज चालिसे
चंडीगढ । भारतको हरियाणा राज्यको सिरसामा कार्यरत मूल प्रवाह अखिल भारत नेपाली एकता समाजका क्षेत्रिय सदस्य एवं नगर कोषाध्यक्ष शंकरलाल गौतमको आज सोमवार १५ सेप्टेम्बर २०२५ को दाह–संस्कार पछि श्रद्धाञ्जली सभा सम्पन्न भएको छ । स्मृति शेष शंकरलालको शबमा मूल प्रवाहका केन्द्रीय महासचिव त्रिभुवन भट्टराइले झन्डा ओढाएर श्रद्धाञ्जली दिनुभएको थियो ।
त्यसैगरि श्रद्धाञ्जली दिने नेताहरुमा केन्द्रीय सल्लाहकार राम बहादुर गौतम, क्षेत्रिय कोषाध्यक्ष बाबुराम पोख्रेल, हिसार नगरका मनबहादुर घर्ती मगर, पश्चिमोत्तर क्षेत्रका समुन्द्र गौतम, कमला गौतम, रोहतकका शरण गौतम, सोनिपतका सेर सिंह बराल, भिवानीका स्याम विक, बिबी कोपिला, शंकर विक, प्रवास विक, गोविंद विक, सोनिपतका मदन गौतम, गुडगांवका बिनोद विक र भिमा विक लगाएतले श्रद्धाञ्जली दिनु भएको थियो ।
१९९२ देखि मूल प्रवाहको सदस्यता लिएर निरन्तर क्रियाशील रहँदै आउनु भएका का. शंकरलाल गौतम हाल नेकपा मसालको पार्टी सदस्य समेत हुनुहुन्थ्यो ।
शंकरलाल गौतम प्युठान जिल्लाको झिमरूक गाउँपालिका वडा नं ३ सिस्नेखोला निवासी बुबा भूमबहादुर सुनार र आमा तुलासा कुमारी सुनारको कोखबाट २०२०–५–८ को जन्मेका नेता शंकरलाल नेकपा (मसाल)को निष्ठावान तथा अविचलीत सदस्य हुनुहुन्थ्यो ।
उहाँको निधनले पार्टीलाई गम्भीर क्षती भएको शोक व्यक्त गर्दै सुदुर पश्चिमोत्तर पार्टी समितिले शोक व्यक्त गरि दिवांगत शंकरलालप्रति भावपूर्ण श्रद्धाञ्जली अर्पित गर्दै शोक–संतप्त परिवारमा गहिरो समवेदना प्रकट गरेको छ।
पार्टी सेक्रेटरी का. उदयद्वारा प्रेषित शोक वक्तव्य मूल प्रवाहका क्षेत्रीय कोषाध्यक्ष बाबुराम पोखरेलले पढेर सुनाउनु भएको थियो । श्रद्धाञ्जली सभा सुरेश विकको अध्यक्षतामा तथा रबि विकको सञ्चालनमा सम्पन्न भएको हो ।
