भैरहवा । राष्ट्रिय जनमोर्चाका केन्द्रीय उपाध्यक्ष बद्रे आलमले अमेरिकी सहयोग मिलेनियम च्यालेन्ज कर्पोरेशन (एमसीसी) सम्झौता जनताको सशक्त आन्दोलनले खारेज हुन सक्ने बताउनु भएको छ ।
रुपन्देहीमा क्रियाशिल विभिन्न राजनीतिक संगठनहरुले शनिबार भैरहवामा आयोजना गरेको एमसीसी विरुद्धको संयुक्त विरोध सभामा बोल्दै उपाध्यक्ष आलमले जनताको आन्दोलनबाटै एमसीसी खारेज गर्नुपर्ने बताउनुभयो । यस्ता प्रावधानहरु पटक पटक चोर ढोकाबाट घुसाउने गरिएपनि एमसीसी सम्झौताको लामो प्रक्रिया भएकै कारण शासकहरुले नचाहेर पनि जनताको बिचमा आउँदा जागरण आएको उहाँले बताउनुभयो ।
यस्को उद्देश्य राष्टघाती भएको भन्दै नेपालको सार्वभौमिकता र अखण्डता रक्षाको लागी एमसीसी सम्पूर्ण रुपले खारेज गर्नु पर्ने वताउँदै सम्पूर्ण राष्ट्रप्रेमी जनता आन्दोलनको लागी अगाडि आउन आव्हान पनि गर्नुभयो ।
कार्यक्रमलाई नेकपा (क्रान्तिकारी माओवादी) का पीबीएम प्रेम सुवेदी, नेकपा(माले)का स्थाई समिति सदस्य गोपालमणि, नेकपा(माओवादी केन्द्र)का केन्द्रीय सचिव विनोद उपाध्याय, नेकपा(मसाल)का रुपन्देही प्रवक्ता नारायण जिसीले पनि सम्बोधन गर्नुभएको थियो ।
ज्ञात अज्ञात शहितहरु प्रति एक मिनेट मौनधारण बाट प्रारम्भ भएको कोण सभाको अध्यक्षता राजमो जिल्ला सचिव टान बहादुर केसी र सञ्चालन देजमो जिल्ला सचिव मोजिव अलीले गर्नभएको थियो ।
