युगदर्शन साप्ताहिक आफ्नो छैटौँ वर्ष सफलाता पुर्बक पुरागरी सातौँ बर्षमा प्रवेश गरेको शुभअवसरमा बधाई तथा शुभकामना ब्यक्त गर्दछौँ ।
युग दर्शन साप्ताहिकले हमेसा सहि, तथ्य र अन्यायको विरुद्ध न्यायको पक्षमा समाचार, लेख र साहित्यको माध्यमबाट नेपाली जनतालाई सचेत र जागरुक गर्न महत्वपुर्ण भुमिका खेल्दै आएकोछ ।
अहिलेको समाज र मिडिया जगत समेत एक वा अर्को प्रकारले पुँजीवादको सिकार बनी त्यसैको पक्षपोषण गरिरहेको वर्तमान अवस्थामा राष्ट्रिययता, जनतन्त्र र जनजिबिकाको पक्षमा सहि दृष्टिकोणका साथ तथ्यगत समाचार सम्प्रेषण गरेर आफुलाई टिकाइराख्नु कम चुनौतिपुर्ण थिएन ।
युगदर्शन साप्ताहिकले त्यो चुनौतिलाई सफलतापुर्वक सामना गर्दै निरन्तर अगाडि बढिरहेको छ । यो हाम्रो लागि गौरवको विषय हो । युगदर्शन साप्ताहिकले त्यतिमात्र हैन रोजगारीको लागि विश्वभरी छरिएर रहेका नेपालीहरूका दुःख, कष्ट, बेदना र अधिकारका लागि समेत कैयौँ महत्वपूर्ण मार्गदर्शन गर्दै आएकोछ ।
रोजगारीको लागि भारतमा कार्यरत नेपालीहरूको गौरबशाली र संगठन मूल प्रवाह अखिल भारत नेपाली एकता समाजको तर्फबाट यस अबसरमा हार्दिक बधाइ तथा आगामी वर्षहरूमा अझै सशक्त र गर्भिलो यात्रा तय गरोस् यहि शुभकामना व्यक्त गर्दछु ।
