काठमाडौं । जनता समाजवादी पार्टीकी सांसद सरिता गिरीलाई पार्टीले साधारण सदस्यसमेत नरहने गरी निश्काशन गरेको छ ।
पार्टीका बरिष्ठ नेता राजेन्द्र महतोले सोमबार ट्विट गर्दै उनको सांसद पद समेत नरहने गरी कारबाही गरिएको जानकारी दिनुभएको छ ।
जनता समाजबादी पार्टीले सरिता गिरिलाई साँसद पद र पार्टी को साधारण सदस्य समेत नरहने गरि पार्टीबाट निस्कासन गरेकाे कुरा जानकारि गराउन चाहन्छु।
— राजेन्द्र महतो (@rajendramahato_) June 15, 2020
गिरी समाजवादी पार्टीको खस आर्य कोटाबाट समानुपातिक सांसद हुन् । संविधानको धारा ८९ को (ङ) मा जुन दलको उम्मेदवार भई प्रतिनिधिसभा सदस्य बनेको हो, त्यस्तो दलले दल त्याग गरेको कुरा सूचित गरेमा सांसद पद निलम्वन हुने प्रावधान छ ।
नक्सासम्बन्धी संविधान संशोधन प्रस्तावको विरुद्धमा उभिएर पार्टीको ह्विप उल्लंघन गरेका कारण हउनलाई हटाइएको जनता समाजवादी पार्टीले जनाएको छ ।
जसपाले सरकारले ल्याएको प्रस्तावमा समर्थन जनाएको थियो भने गिरीले सो प्रस्ताव खारेजीको माग गर्दै निवेदन दर्ता गराएकी थिइन् ।
