लोकेन्द्र पौडेल, चेन्नै (भारत) ।
भारतको चेन्नैमा मूल प्रवाह अखिल भारत नेपाली एकता समाजको आयोजनामा प्रगतिशील तिजी कार्यक्रम सम्पन्न भएको छ ।
अगस्त २४, २०२५ का दिन चेन्नैस्थित मूल प्रवाहका पूर्व, पश्चिम, उत्तर र दक्षिण नगर समितिले सो कार्यक्रम सम्पन्न गरेका हुन् ।
केन्द्रीय अध्यक्ष प्रेम पौडेलको प्रमुख आतिथ्य रहेको सो कार्यक्रममा केन्द्रीय सदस्यहरू चन्द्रकान्त शर्मा, चन्द्रबहादुर थापा, काशिराम शर्मा, क्षेत्रीय समितिका कोषाध्यक्ष लोकेन्द्र पौडेल, क्षेत्रीय सचिवालय सदस्य बुद्धिराम पौडेल, क्षेत्रीय महिला विभागकी सदस्य लोककुमारी थापा, रिता भुसाल, क्षेत्रीय सांस्कृतिक विभागका डिलबहादुर जिएम, क्षेत्रीय विद्यार्थी विभागकी सुस्मिता शर्मा, क्षेत्रीय समता विभागका दयाराम विक र क्षेत्रीय जनजाति विभागका रेशम थापाको पनि आतिथ्य रहेको थियो ।
कार्यक्रमको उद्घाटन प्रमुख अतिथि पौडेलले मैनबत्ती बालेर तालीको गडगडाहटबिच गर्नुभएको थियो ।
सो अवसरमा मन्तव्य राख्दै उहाँले मूल प्रवाह भारतस्थित शोषितपीडित नेपालीको सङ्गठन भएकाले यसमा गोलबन्द हुन आग्रह गर्नुभयो ।
क्षेत्रीय महिला विभागकी सदस्य चन्द्रिका पौडेलको अध्यक्षता तथा अर्की सदस्य नवीना बस्नेत (पौडेल) को सञ्चालनमा अघि बढेको उक्त कार्यक्रममा स्वागत क्षेत्रीय महिला विभागकी सदस्य सम्झना नेपालीले र कलाकारद्वारा गीतसङ्गीतबाट स्वागत गर्नुभएको थियो भने महिला विभागकी सीता शर्माआचार्यले धन्यवाद ज्ञापन गर्नुभएको थियो ।
