पोखरा । कास्कीमा अखिल नेपाल जनजाति सम्मेलनको तेस्रो भेला आगामी असोज ३ गते जिल्ला सम्मेलन गर्ने निर्णय गर्दै सम्पन्न भएको छ ।
सम्मेलनका गण्डकी प्रदेश संयोजक डम्बर थापाको प्रमुख आतिथ्यमा २०८२ भदौ ७ गते शनिबार सो भेला सम्पन्न भएको हो ।
राष्ट्रिय जनमोर्चाका केन्द्रीय सदस्य शङ्कर बराल र जनजाति सम्मेलनका पूर्व केन्द्रीय उपाध्यक्ष केबी थापा विशेष अतिथि रहनुभएको उक्त भेलामा अखिल नेपाल युवक सङ्घका अध्यक्ष गणेश अधिकारी, राजमो कास्कीका अध्यक्ष रविमोहन ढकाल, अखिल नेपाल ट्रेड युनियन महासङ्घ (अन्टुक) का केन्द्रीय सदस्य नामबहादुर बाठामगर, अखिल नेपाल महिला सङ्घ कास्कीकी उपाध्यक्ष शान्ति गुरुङ, अखिल नेपाल किसान महासङ्घ (अप्फा) कास्कीका गङ्गाबहादुर थापा र राजमो पोखरा नगर समितिका अध्यक्ष विष्णु पुरीको आतिथ्य रहेको थियो ।
भेलाको सञ्चालन तिलबहादुर गुरुङले तथा अध्यक्षता टेकबहादुर थापाले गर्नुभएको थियो ।
भेलाले जिल्ला सम्मेलन सम्पन्न गर्नका लागि ११ सदस्यीय तयारी समिति निर्माण गरेको आयोजकले जानकारी दिएको छ ।
