वासिङ्टन । अमेरिका र चीनले एकआपसमा ट्यारिफ नलगाउने सहमति भएको छ । ९० दिनको लागि अवधि निश्चित गरिएको विविसी हिन्दीले जनाएको छ । यो निर्णय त्यो समय भएको हो जब वर्तमान सहमतिको अवधि सकिन लागेको थियो । सोमबार अमेरिकी राष्ट्रपति डोनाल्ड ट्रम्पले एक कार्यकारी निर्देशन पत्रमा हस्ताक्षर गरेका हुन् । यस आदेशमा मे महिनामा भएको सहमति कायम राखिएको बताइएको छ ।
त्यतिबेला दुई देशले अस्थायी रूपमा एकआपसमा लगाइएका ट्यारिफलाई निलम्बित गरेका थिए । यदि सहमतिको अवधि नबढाइएमा मंगलबारदेखि उच्च ट्यारिफ लागु हुनेछ अमेरिकाले चेतावनी दिएको थियो । गत महिना भएको वार्तामा चीनले दुबै पक्ष वीच सहमति कायम राख्नु पर्नेमा जोड दिंनुपर्नेमा प्रयास गर्दै आएको थियो ।
ट्रम्पको अन्तिम स्वीकृतिको पर्खाइमा रहेको अमेरिकी अधिकारीहरूले बताउँदै आएका थिए । अमेरिकाले अप्रिल महिनामा व्यापार घाटाको तनाव चरममा खेप्दै आएको थियो । ट्रम्पले संसारका धेरै देशका सामानमा ट्यारिफ लगाउने घोषणा गरेका थिए । चीनमाथि पनि उच्च ट्यारिफ लगाइएको थियो, जसको जवाफमा चीनले अमेरिकाको सामानमाथि ट्यारिफ वृद्धि गरेको थियो ।
मई महिनामा भएको सम्झौताअनुसार अमेरिकामा आउने चिनियाँ सामानमा वर्षको सुरुको तुलनामा ३० प्रतिशत अतिरिक्त ट्यारीफ लगाइएको थियो । त्यहाँ चीनमा अमेरिकी सामानमा १० प्रतिशत नयाँ ट्यारीफ लगाइएको थियो । विविसी हिन्दी
