बंगलादेश । बंगलादेशको रंगपुर जिल्लामा, पैगम्बर मोहम्मद विरुद्ध कथित आपत्तिजनक पोस्टहरूको लागि धेरै हिन्दू परिवारहरूको घरलाई निशाना बनाइएको छ । घटना पछि, धेरै मानिसहरू आफ्नो घर छोडेर सुरक्षित स्थानहरूमा गएको बीबीसी हिन्दीले जनाएको छ।
प्रशासनले पीडितहरूलाई सुरक्षित गरेको दाबी गरेको छ । स्थानीय प्रशासनका अनुसार क्षेत्रका २२ हिन्दू परिवारहरू मध्ये १९ जना अझै पनि आफ्नो घर मै छन् । प्रशासनले आक्रमणकारीहरूबाट क्षतिग्रस्त घरहरू मर्मत गरिने आश्वासन दिएको पिडीतहरुले बताएका छन् ।
यो घटना शनिबार राति र आइतबार गंगाचडा उपजिल्लाको अलदादपुर बालापाडा गाउँमा भएको थियो । अपमानजनक पोस्टको घटनामा, प्रहरीले एक युवकलाई हिरासतमा लिएको छ, जसलाई अदालतको आदेश पछि जेल पठाइएको छ। अभियुक्त विरुद्ध साइबर सुरक्षा ऐन अन्तर्गत मुद्दा दायर गरिएको छ ।
यद्यपि, घरहरूमा आक्रमणको घटनामा अहिलेसम्म आक्रमणकारीको पहिचान खुलाइएको छैन र कुनै प्रारम्भिक रिपोर्ट गरिएको पनि छैन ।
यसैबीच, जिल्ला र प्रहरी प्रशासनका उच्च अधिकारीहरूले प्रभावित क्षेत्रको भ्रमण गरेको स्थानीय मिडीयाहरुले बताएका छन् ।
