टोक्यो । जापानको टोक्यो इलेक्ट्रिक पावर कम्पनी (टीईपीसीओ) ले जानकारी गराए अनुसार फुकुशिमा दाइची र फुकुशिमा दाइनी आणविक प्लान्टका कामदारलाई सुरक्षित निकालेर उच्च स्थानमा लगिएको छ ।  २०११ मा जापानमा आएको विनाशकारी ९.० तीव्रताको भूकम्प र सुनामीपछि फुकुशिमा दाइची प्लान्टमा ठूलो परमाणु दुर्घटना भएको थियो ।

टीईपीसीओले प्लान्टमा कुनै पनि प्रकारको क्षति भएको छैन भनेको छ र सुनामीसँग सम्बन्धित चेतावनीहरूको निगरानी गरिरहेको बताइएको छ । यस हप्ताको सुरुवातमा टीईपीसीओले इन्धनका मलबालाई पूर्णरूपमा हटाउन १२ देखि १५ वर्षको ढिलाइ हुन सक्ने घोषणा गरेको थियो । जसले रेडिएशन स्तरलाई कम गर्नका लागि पर्याप्त समय दिन्छ ।

जापानका स्थानीय प्रसारक एनएचकेले होक्काइडो प्रान्तको उत्तरी क्षेत्रमा सुनामीका लहरहरू पुगेको जानकारी दिएको छ । लहरहरूको उचाइ लगभग १२ इन्चको अनुमान गरिएको छ ।

सुनामीले होक्काइडोको उत्तर–पूर्वी हिस्सामा अवस्थित बन्दरगाह शहर नेमुरोलाई प्रभावित गरेको छ । जापानका अधिकारीहरूले पहिल्यै चेतावनी जारी गरेका थिए कि सुनामीका लहरहरू बढी अग्ला हुन सक्दछन् ।

जापानका प्रधानमन्त्री शिगेरू इशिबाले भनेका छन् कि अधिकारीहरू ‘परिस्थितिको आँकलन गर्दैछन्‌’ । उनले भनेका छन् कि कुनै पनि राहत वितरण कार्यमा ‘मानिसहरूलाई प्राथमिकता दिइनेछ ।’ अहिलेसम्म कुनै पनि प्रकारको क्षतिको पुष्टि गरिएको छैन । प्रधानमन्त्री शिगेरू इशिबाले नागरिकहरूलाई तटहरूबाट टाढा रहने र अग्लो स्थानहरूमा जान अनुरोध गरेका छन् ।

यो सुनामी रूसको कमचटका प्रायद्वीपमा आएको भूकम्पको पछि आएको हो । अमेरिकी भूगर्भ सर्वेक्षण (यूएसजीएस)ले भूकम्पको तीव्रता ८.८ बताएको छ । यसअघि यसको तीव्रता ८.० र त्यसपछि ८.७ बताइएको थियो, जसलाई पछि पुनः सम्पादन गरिएको थियो ।