मनिला । फिलीपीन्समा ट्रपिकल तुफान ‘को–मे’ का कारण भारी तबाही मच्चाएको छ । अहिलेसम्म २५ जना मानिसहरूले ज्यान गुमाइसकेका छन् । त्यस्तै करिब २.७८ लाख व्यक्तिहरू विस्थापित भएका छन् ।

अवस्थाको मध्यनजर गर्दै लुजोनमा ७७ स्थानमा आपतकालीन स्थिति लागू गरिएको छ । राष्ट्रपति मार्कोसले बिपत्तिलाई जलवायु परिवर्तनको नतिजा बताएका छन्‌ ।

अमेरिकाले राहतका लागि सैनिक मद्दत दिने आश्वासन दिएको छ । फिलीपीन्समा पछिल्लो एक हप्तासम्म जारी मूसलधार वर्षा र भूस्खलनको बीचमा ट्रपिकल तुफान ‘को–मे’ ले परिस्थितिलाई अझ बिगारेको छ । प्राकृतिक आपदासँग जुझिरहेका फिलीपीन्सका लागि यो तुफान अर्को ठूलो नोक्शान साबित भएको छ ।