वीरेन्द्रनगर । सुर्खेतको वीरेन्द्रनगरमा अखिल नेपाल महिला सङ्घको नगर भेला सम्पन्न भएको छ ।
केन्द्रीय सदस्य कृष्णाकुमारी रावलको उपस्थितिमा २०८२ असार १४ गते शनिबार सो भेला सम्पन्न भएको हो ।
भेलाले प्रतिमा सञ्ज्याल अध्यक्ष रहनुभएको सात सदस्यीय नगर समिति गठन गरेको छ ।
समितिको उपाध्यक्षमा रत्ना शर्मा, सचिवमा सीता थापा, कोषाध्यक्षमा धर्मा रिजाल तथा सदस्यमा सकुन्तला शाही, ठममाया ठाडा र पुष्पा शर्मा रहनुभएको छ ।
मनपुरा शाहीको अध्यक्षतामा अघि बढेको उक्त भेलालाई राष्ट्रिय जनमोर्चाका केन्द्रीय उपाध्यक्ष जनकराज शर्मा, अखिल नेपाल शिक्षक सङ्घका केन्द्रीय उपाध्यक्ष अजय गिरी, अखिल नेपाल ट्रेड युनियन महासङ्घ (अन्टुक) का केन्द्रीय सदस्य हीरालाल सुनार, जातीय समता समाजका केन्द्रीय सल्लाहकार लालबहादुर नेपाली, राजमो कर्णाली प्रदेश समितिका अध्यक्ष पूर्णबहादुर शाही, अखिल नेपाल बुद्धिजीवी सङ्घका सचिव मणिराम देवकोटा, मूल प्रवाह अखिल भारत नेपाली एकता समाजका प्रतिनिधि हरि शाहीलगायतको आतिथ्य रहेको थियो ।
भेलाको सञ्चालन प्रतिमा सञ्ज्यालले तथा स्वागत मन्तव्य ठममाया ठाडाले गर्नुभएको थियो ।
