तौलिहवा । कपिलवस्तु जिल्ला विजयनगर गाउँपालिका वडा नं. ६ चापामा गत २०८१ चैत १९ गते भएको आगलागीपीडित परिवारलाई राष्ट्रिय जनमोर्चा विजयनगरले नगद र जिन्सी सामग्री सहयोग गरेको छ ।
राजमो कपिलवस्तुका सचिव केरसिंह अदैको उपस्थितिमा २०८२ असार ४ गते पीडित छ घरमध्य तीन घरलाई नगद रु २,५०० का दरले सहयोग गरिएको हो ।
सहयोग प्राप्त गर्नेमा आगलागीपीडित कमल कोरीलाई रु २,५००, रामप्रसाद कोरीलाई रु २,५०० र रामजानकी कोरीलाई रु २,५०० रहनुभएको छ । अन्य तीन घरको अन्यत्र पक्की घर रहेको कारण सहयोग नगरिएको राजमोले जनाएको छ । धनिराम कोरी, विजयकुमार कोरी र रामलोटन कोरीका पक्की घर रहेका छन् ।
त्यसैगरी राजमो विजयनगर पालिका समितिका सदस्य कमल कोरीको टिनको घर बनाउन असार ४ गतेदेखि सुरु गरिएको छ । उहाँको घर बनाउन राजमो शिवराज नगर समिति र राजमो विजयनगर पालिका समितिले २० फुटे पाइप ६ थान, १० बोरा सिमेन्ट र रु १४ हजार दुई सय रुपैया बराबरको निर्माण सामग्री सहयोग गरेको छ साथै राजमो विजयनगरका साथीहरूले तीन/तीन दिन घर बनाउन श्रमदान सहयोग गर्ने भनिएको छ । घर बनाउन विजयनगर गाउँपालिकाले तीन सहयोग गरेको छ ।
राजमोको काठमाडौँकेन्द्रि आन्दोलन र अत्यधिक गर्मीको कारण आगलागीपीडितलाई सहयोग गर्न ढिला भएको सचिव अदैले जानकारी दिनुभयो ।
सहयोग वितरण कार्यक्रममा राजमो विजयनगरका अध्यक्ष गोविन्द परिवार, उपाध्यक्ष पटेश्वरी यादव, सदस्यहरू सूर्यबहादुर जिसी, रामसमारे यादव, हीरालाल तेली, कुण्डविहारी खटिकलगायतको उपस्थिति रहेको थियो ।
