काठमाडौँ । नेकपा (मसाल) का महामन्त्री मोहनविक्रम सिंह र राष्ट्रिय जनमोर्चाका अध्यक्ष तथा प्रतिनिधिसभाका सांसद चित्रबहादुर केसीको उपस्थितिमा गणतन्त्र पक्षधर बुद्धिजीवीमाझ अन्तरक्रिया कार्यक्रम हुने भएको छ ।

२०८२ जेठ १० गते शनिबार राजधानीको हार्दिक होटलमा सो कार्यक्रम आयोजना गरिएको हो ।

राजमो केन्द्रीय कार्यालय आयोजक रहेको उक्त कार्यक्रम दिउसो २ बजेदेखि सुरु हुनेछ ।

कार्यक्रमा सहभागिताका लागि राजमोले सार्वजनिक सूचना जारी गरेको छ ।

राजमो महासचिव मनोज भट्टका अनुसार देशमा प्रतिगामी खतरा बढ्दै गइरहेकाले त्यसप्रति सजगतास्वरूप उक्त कार्यक्रम आयोजना गरिएको हो ।

राजमोले प्रतिगामी खतराको विरोध गर्दै वैशाख २० देखि २६ गतेसम्म देशव्यापी पालिकास्तरीय जनचेतनामूलक सभा सम्पन्न गरिसकेको छ ।