केरसिंह अदै, तौलिहवा ।
राष्ट्रिय जनमोर्चा कपिलवस्तुले गणतन्त्ररक्षाका लागि दुई स्थानमा सभा सम्पन्न गरेको छ ।
२०८२ वैशाख २५ गते बिहीबार महाराजगञ्ज र शिवराज नगरपालिकामा छुट्टाछुट्टै सभा सम्पन्न गरेको हो ।
महाराजगञ्ज
महाराजगञ्ज नगरपालिकाको महाराजगञ्ज बजार प्रतिगामी खतरा र गणतन्त्र रक्षा साथै सङ्घीयता खारेजीका लागि चेतनामूलक कोणसभा सम्पन्न भएको छ ।
सभालाई सम्बोधन गर्दै राजमो कपिलवस्तुका सचिव केरसिंह अदैले काङ्ग्रेस, एमालेलगायत ठुला दलले भ्रष्टाचार, बदमासी गरेका कारण त्यसको असर गणतन्त्रमाथि परेको उल्लेख गर्नुभयो ।
दलहरूले भ्रष्टाचार गरेकै कारण गणतन्त्र ठिक छैन भन्नु उचित नहुने बताउँदै उहाँले राजतन्त्र जमिनदारी प्रथा भएको र त्यसको अवशेष अझै पनि बाँकी रहेको बताउनुभयो ।
कार्यक्रमको सञ्चालन मूल प्रवाह अखिल भारत नेपाली एकता समाजका केन्द्रीय सदस्य रामबहादुर विकले गर्नुभएको थियो ।
शिवराज
त्यस्तै, शिवराज नगरपालिका–४ को बसन्तपुर चोकमा भएको कोणसभा लाई मूल प्रवाह अखिल भारत नेपाली एकता समाजका केन्द्रीय सदस्य रामबहादुर विकले सम्बोधन गर्नुभयो ।
सो अवसरमा उहाँले सङ्घीयताको खारेजी र गणतन्त्रको रक्षाको लागि राष्ट्रिय जनमोर्चा सदनदेखि सडकसम्म सङ्घर्ष गर्दै आएको बताउनुभयो ।
जनताले सही नीतिसिद्धान्त बोकेको पार्टीलाई समर्थन गर्नुपर्ने बताउँदै उहाँले जनता बारम्बार झुक्किरहेको धारणा राख्नुभयो ।
यहाँ भएको कार्यक्रम को सञ्चालन रामबहादुर चमारले गर्नुभएको थियो ।
