काठमाडौँ । नागरिक उन्मुक्ति पार्टीका संरक्षक रेशम चौधरीलाई प्रहरीले पक्राउ गरेको छ ।

काठमाडौँ प्रहरी परिसरको टोलीले उनलाई नेपाल प्रज्ञा प्रतिष्ठानको परिसरबाट बुधबार नियन्त्रणमा लिएको हो।

उनी नागरिक उन्मुक्ति पार्टी र जनमत पार्टीबीच एकता घोषणाका लागि प्रज्ञा प्रतिष्ठान पुगेका थिए।

उनलाई पक्राउ गर्नुको कारण प्रहरीले बताएको छैन।

आज रेशम नेतृत्वको नाउपा र सिके राउत नेतृत्वको जनमत पार्टीबीच एकता हुने तय भएको थियो ।

रेशमको पक्राउसँगै एकता घोषणाका लागि हुने भनिएको कार्यक्रम पनि अनिश्चत छ।

जनमतका अध्यक्ष सीके राउत र उन्मुक्तिकी अध्यक्ष रञ्जिता चौधरी पनि कार्यक्रमस्थल पुगेका छैनन्।

यी दुई पार्टीबीच एकता भएर नागरिक जनमत पार्टी नामकरण हुँदैछ । पार्टीको संरक्षकमा रेशमसहित अध्यक्ष राउत र रञ्जिता सहअध्यक्ष बन्ने सहमति भएको नेताहरूले बताएका छन् ।