काठमाडौँ । राष्ट्रिय प्रजातन्त्र पार्टी (राप्रपा)का सांसद दीपक बोहराको निधन भएको छ।
Advertisement
राप्रपाका वरिष्ठ नेता एवं पूर्वमन्त्री बोहराको उपचारको क्रममा काठमाडौँको ओम अस्पतालमा निधन भएको उनका स्वकीय सचिव तारामणि चन्दले जानकारी दिए।
७३ वर्षीय बोहरा गएको संघीय निर्वाचनमा रुपन्देहीबाट निर्वाचित भएका थिए।
रुपन्देही क्षेत्र नम्बर १ बाट निर्वाचित उनले ०७९ को निर्वाचनमा नेपाली कांग्रेसका उम्मेदवार तथा तत्कालीन गृहमन्त्री बालकृष्ण खाँणलाई पराजित गरेका थिए।
बोहरा गएको साढे तीन वर्षदेखि बोल्न नसक्ने ढंगले बिरामी भएका थिए। कोभिड–१९ संक्रमणपछि उनको स्वरनलीमा समस्या आएको पारिवारिक स्रोतले जनाएको छ।
