काठमाडौँ । पुस्तक तथा स्टेसनरी व्यवसायीहरूले सामूदायिक तथा निजी विद्यालयलाई स्टेनसरी सामग्री बेचविखनमा रोक लगाउन माग गर्दै विभिन्न स्थानीय तहको ध्यानाकर्षण गराएका छन् ।
काठमाडौँ महानगरपालिका, बूढाननीलकण्ठ नगरपालिका, तारकेश्वर नगरपालिकालगायत स्थानीय तहको ध्यानाकर्षण गराएका हुन् ।
व्यवसायीहरूका प्रतिनिधिमण्डलले ती स्थानीय तहमा पुगेर विद्यालयलाई स्टेसनरी सामग्री बेचबिखन गर्न नदिन र अनुगमन गरी त्यस्ता विद्यालयलाई कारबाही गर्न माग गरेका हुन् ।
बूढानीलकण्ठ नगरपालिकाको एकताबस्तीका व्यवसायी विष्णु थापामगरले स्कूलहरूले आफ्नो नाममा कापी बनाइ विद्यार्थीलाई भर्ना गर्दा भर्ना शुल्कमा बाध्यात्मक ढंगले कापी, कलमको पनि रकम लिने गरेको बताए । कतिपय स्कूलले वर्षभरी स्कुलको कापी जबर्जस्ती भिडाउने गरेकोले व्यवसाय नै धरासायी हुँदै गएको उनको भनाई छ ।
स्कुलले स्टेसनरी सामान बेच्न नमिल्ने भनेर यसअघि नै सर्वोच्च अदालतले आदेश दिइसकेको छ भने सम्बन्धित नगरपालिकाको शिक्षा शाखाले सबै स्कूलहरूलाई वर्षैपच्छिे परिपत्र गर्दै नियम विपरित स्टेसनरी सामान बेचे कारबाही गर्ने चेतावनी दिैँदै आएका छ ।
तर, अनुगमन र कारबाी प्रक्रिया फितलो हुँदा कैयौ स्कुलले विद्यार्थीलाई जवर्जस्ती कापी लगायतका स्टेसनरी सामान बेच्ने गरेका छन् ।
बाहिरबाट किन्दा भन्दा स्कुलले बेच्ने गरेको कापी महंगो पर्ने गरेको व्यवसायी थापा बताउँछन् ।
स्टेसनरी सामग्री बेच्ने स्कुलमाथि बूढानीलकण्ठ नगरपालिकाको ‘एक्सन’
