बागलुङबजार । बागलुङको बडिगाडमा अखिल नेपाल शिक्षक सङ्घको तेस्रो पालिका सम्मेलन मीना पोखरेललाई अध्यक्षमा चयन गर्दै सम्पन्न भएको छ ।
ढिलो गरी प्राप्त समाचारअनुसार २०८१ फागुन ७ गते सम्पन्न सम्मेलनद्वारा सो समिति गठन गरिएको हो ।
समितिको अध्यक्षमा मीना पोखरेल तथा उपाध्यक्षमा केहरसिंह सिंजाली, महिला उपाध्यक्षमा मीरा श्रीस, सचिवमा हमाल घर्तिमगर, सहसचिवमा मीनबहादुर बोहरा र कोषाध्यक्षमा खुमबहादुर पच्या रहनुभएको छ ।
त्यस्तै, सदस्यमा प्रतिभा आचार्य, चन्द्रबहादुर शेरपुजा, विनिता दर्लामी, ज्योति भुजेल र पुष्पा श्रीस रहनुभएको छ ।
भेलाले सल्लाहकार समितिको संयोजकमा शिवलाल वन तथा सदस्यमा लिलबहादुर श्रीस, टेकबहादुर थापा, ईश्वरीप्रसाद पोखरेल र सुशील भुजेल रहनुभएको छ ।
भेलामा प्रमुख अतिथि नेपाल शिक्षक महासङ्घका राष्ट्रिय उपमहासचिव पुष्कर सापकोटा, विशिष्ट अतिथि शिक्षक सङ्घ बागलुङका अध्यक्ष मित्रदत्त ढकाल, अन्य अतिथिमा बडिगाड गाउँपालिकाका उपाध्यक्ष भीमसेन वन, राष्ट्रिय जनमोर्चा बागलुङका सचिव भीमलाल पोखरेल, अखिल नेपाल युवक सङ्घका अनिल गिरी, नेकपा (मसाल) बागलुङका प्रवक्ता मेकबहादुर पाइजा र बडिगाड गाउँपालिका १ नं. वडाका वडाअध्यक्ष बोमबहादुर थापा हुनुहुन्थ्यो ।
कार्यक्रमको सञ्चालन केहरसिंह सिंजालीले, स्वागत मन्तव्य टेकबहादुर थापाले र अध्यक्षता शिवलाल वनले गर्नुभएको थियो ।
