खिमराज चालिसे, चन्डिगढ (भारत) ।
भारतको चन्डिगढमा मूल प्रवाह अखिल भारत नेपाली एकता समाजका जनजाति र समता विभागको संयुक्त भेला सम्पन्न भएको छ ।
केन्द्रीय सदस्य दिनेश खड्काको उद्घाटनसँगै मार्च २, २०२५ का दिन सो कार्यक्रम सम्पन्न भएको हो।
प्रमुख अतिथिसमेत रहनुभएका खड्काले भेलामा सम्बोधन गर्दै जातीय मुक्तिलाई वर्गीय आन्दोलनसँग जोडेर लगे मात्र जनजाति र दलित समुदायको वास्तविक मुक्ति हुने बताउनुभयो ।
मूल प्रवाहका केन्द्रीय सदस्य खिमराज चालिसेले भेलाद्वारा निर्वाचित दुबै विभागका समितिको घोषणा गर्नुभएको थियो ।
जनजातिको संयोजकमा गुरुङ
भेलाले प्रेम गुरुङ संयोजक रहनुभएको ११ सदस्यीय जनजाति विभाग गठन गरेको छ ।
समितिको सदस्यमा तेजबहादुर रोका, थमन थापासारू, जितेन्द्र गुरुङ, हेमबहादुर कनौजिया, दमबहादुर राना, पदमबहादुर थारा, सन्तबहादुर सारू, इन्द्रबहादुर सारू र मोहन बुढामगर रहनुभएको छ ।
समताको संयोजकमा विक
त्यस्तै, भेलाले लीला विक संयोजक रहनुभएको १३ सदस्यीय समता विभाग गठन गरेको छ ।
समितिको सदस्यमा बिनु नेपाली, दुर्गा विक, अर्जुन विक, दिनेश विक, सुनिता सुनार, माया नेपाली, सुरेश श्रीपाली, विष्णु विक, प्रेम नेपाली, रामबहादुर सोनी, विनोद बराल र रामबहादुर नेपाली रहनुभएको छ ।
दुबै निर्वाचित समितिलाई सुदूर पश्चिमोत्तर क्षेत्रीय सदस्य एवम् महिला विभागकी सदस्य जुना चालिसे, अखिल भारत नेपाली विद्यार्थी सङ्घका केन्द्रीय अध्यक्ष माधव पोखरेल, केन्द्रीय सदस्य नारायण आचार्य, केन्द्रीय परिषद् सदस्य एवम् नगर अध्यक्ष मानबहादुर केसी र महिला नगर संयोजक जमुना खनाललगायतले बधाई ज्ञापन गर्नुभएको थियो ।
भेलामा क्षेत्रीय सहसचिव तेजबहादुर रोका, सांस्कृतिक विभागका केन्द्रीय सदस्य बिनु नेपाली र परिषद् सदस्य थमन थापाको आतिथ्य रहेको थियो ।
प्रेम गुरुङको अध्यक्षतामा एवम् अर्जुन विकको सञ्चालनमा अघि बढेको उक्त कार्यक्रममा उपस्थित जनसमुदायलाई स्वागत भाषण दुर्गा विक र सांस्कृतिक विभागका कलाकारहरूले गर्नुभएको थियो ।
