कञ्चनपुर । संघीयताविरुद्ध काठमाडौं केन्द्रित आन्दोलनको तयारी गरिरहेको राष्ट्रिय जनमोर्चा, कञ्चनपुरले बेलडाँडी गाउँपालिकाको चवन्नी बजारमा कोणसभा गरेको छ ।
कोणसभालाई सम्बोधन गर्दै राजमो जिल्ला अध्यक्ष रामबहादुर कार्कीले संघीयताले महंगी र भ्रष्टाचार बढाएको भन्दै त्यसलाई खारेज गर्नुपर्ने बताउनुभयो ।
संघीयताविरुद्ध राजधानी केन्द्रित आन्दोलनबारे जानकारी दिन आयोजित कोणसभामा तराई मधेश जनवादी मोर्चाका महासचिव राजाराम चौधरी, राजमो कञ्चनपुरका सचिव लालबहादुर कुँवर, अखिल नेपाल जनजाती सम्मेलन कञ्चनपुरका अध्यक्ष राजकुमार चौधरीलगायत नेताहरूको उपस्थिती रहेका थियो ।
यसअघि आइतबार नै राजमोले बेल्डाँडी गाउँपालिकास्तरीय समिति गठन गरेको थियो ।
भगवान दास रानाको संयोजकत्वमा गठन भएको सात सदस्यीय समितिका सदस्यहरूमा सुरेन्द्र चौधरी, मोहनलाल राना, जैयदेव कार्की, राधा दमाई, दासु राना र प्यारु दमाई रहनु भएको छ ।
कञ्चनपुरको बेलडाँडीमा राजमोको समिति गठन
