बरेङबजार (बागलुङ) । बागलुङको बरेङमा अखिल नेपाल शिक्षक सङ्घको तेस्रो पालिका सम्मेलन सम्पन्न भएको छ ।
सर्वोदय माध्यमिक विद्यालयका प्राधानाध्यापक चित्र थापालाई अध्यक्षमा चयन गर्दै २०८१ माघ २६ गते शनिबार सम्मेलन सम्पन्न भएको हो ।
बरेङ गाउँपालिकाको वडा नं. २ हुग्दिशिर भृकुटी माध्यमिक विद्यालयमा सम्पन्न सम्मेलनले चयन गरेको समितिको उपाध्यक्षमा धुल्लुलिउँवा माध्यमिक विद्यालयका प्रधानाध्यापक फटिक थापा, महिला उपाध्यक्षमा हुग्दिशिर प्राथमिक विद्यालयक्री तारा थापा, सचिवमा सर्वोदय माध्यमिक विद्यालयका ओमबहादुर पुन, सहसचिवमा विश्व स्वतन्त्र प्रावि चित्रेका भगवती पौडेल र कोषाध्यक्षमा पुरुषोद्धय माध्यमिक विद्यालयका शिक्षक नामबहादुर थापा रहनुभएको छ ।
सदस्यमा टिमुरेघाट प्राविका प्रधानाध्यापक इन्द्रबहादुर घर्तीमगर, सोमबहादुर श्रीस, सुमन आचार्य, बालज्योति अङ्ग्रेजी माध्यमिक विद्यालयका प्रिन्सिपल शोभाखर पौडेल, नारायण गैरे, विष्णुबहादुर क्षेत्री, शान्तबहादुर शेरपुर्जा, भगवती न्यौपाने र कल्पना क्षेत्री रहेका छन् ।
सम्मेलनले संयोजकमा जयन्द्र पुन तथा सदस्यमा यममाया केसी र तुलसीराम शर्मा रहनुभएको सल्लाहकार समिति गठन गरेको छ ।
कार्यक्रममा शिक्षक सङ्घका केन्द्रीय उपाध्यक्ष कृष्णप्रसाद आर्चायको प्रमुख आतिथ्य, नेपाल शिक्षक सङ्घ बागलुङका मित्रदत्त ढकालको विशिष्ट आतिथ्य तथा बरेङ गाउँपालिकाका अध्यक्ष कृष्णप्रसाद शर्मा र बरेङ–२ का वडाअध्यक्ष हीराबहादुर घर्तीको विशेष उपस्थिति रहेको थियो ।
चित्र थापाको अध्यक्षता तथा शोभाखर पौडेलको स्वागत मन्तव्यमा अघि बढेको सभाको सञ्चालन ओमबहादुर पुनले गर्नुभएको थियो ।
