बेलबारी (मोरङ) । मोरङको बेलबारी नपा–१ को सगरमाथा इङलिस स्कुलले आफ्ना कक्षा ११ र १२ का विद्यार्थीका लागि तीनदिने आधारभूत पत्रकारिता तालिमको समापन गरेको छ ।
२०८१ माघ ४ गते सुरु भएको सो तालिम माघ १५ गते र माघ २१ गते गरेर तीन दिनसम्म सम्पन्न भएको हो ।
‘तालिमले विद्यार्थीलाई देशविदेशका जानकारीका साथै समाजीकृत हुन एवम् समग्र अध्ययनमा सहयोग पुग्ने छ’ पत्रकारिता प्राध्यापन गर्नुहुने नेपाल पत्रकार महासङ्घ मोरङका पूर्व अध्यक्षसमेत रहनुभएका प्रमुख प्रशिक्षक महेन्द्र विष्टले समापन कार्यक्रम भन्नुभयो ।
‘भोलिदेखि नै विद्यार्थीहरूले कुन समाचार कति सत्य, कति असत्य भन्ने सजिलै बुझ्नुहुनेछ’ रेडियो बेतना एफएम ९७.१ मेगाहर्जका अध्यक्ष भोजराज बस्नेतले बताउनुभयो ।
‘रेडियो बेतनासँग एक वर्ष शैक्षिक कार्यक्रम उत्पादन गरी सातामा एकपटक प्रसारण गर्ने/गराउने सम्झौता भएकाले तालिमपछि पनि अभ्यासका लागि कार्यक्रम बनेको छ’ प्रिन्सिपल इरनकुमार राईले योजना सुनाउनुभयो ।
तालिमअन्तर्गत युगदर्शन मिडियाका व्यवस्थापक हरिकान्त पौडेलले माघ ४ गते सैद्धान्तिक पक्ष, माघ २५ गते रेडियो बेतनाका करुणा बस्नेत र अष्टनारायण धिमालले एवम् माघ २१ गते महेन्द्र विष्टले तालिम/प्रशिक्षण दिनुभएको थियो ।
प्रशिक्षण कार्यक्रममा २० जना विद्यार्थी सहभागी रहेका थिए ।
कार्यक्रममा सहभागी प्रशिक्षार्थी विद्यार्थीलाई प्रमाणपत्र पनि हस्तान्तरण गरिएको थियो ।
