पोखरा । घरेलु टोली गण्डकी प्रदेशलाई पराजित गर्दै नेपाल पुलिस क्लबले पहिलो पटक टाइगर कप भलिबल प्रतियोगिताको पुरुषतर्फको उपाधि उचालेको छ।
योसँगै टाइगर कपको पाँचौँ सस्करणले महिला पुरुष दुवैतर्फ नयाँ च्याम्पियन पाएको हो।
पोखरा रगंशालास्थित कभर्डहलमा आइतबार भएको फाइनलमा पुलिस क्लबले गण्डकीलाई ३–१ को सेटमा पाखा लगायो।
पुलिस क्लबले पहिलो सेट २५–२३ र दोस्रो सेट २५–२१ ले सहजै आफ्नो पक्षमा पार्यो।
तर तेस्रो सेट भने पुलिस क्लबले २५–२० ले गण्डकीलाई सुम्पेको थियो।
तनावका कारण केहीबेर रोकिएको चौथो सेटमा पुलिस क्लबले २५–२२ जित निकाल्दै पहिलो पटक च्याम्पियन बनेको हो।
आजै भएको महिलातर्फको फाइनलमा आयोजक टाइगर क्लबले एपीएफलाई ३–२ को सेटमा हराउँदै पहिलो पटक च्याम्पियन बनेको थियो।
आयोजक पोखरालाई महिला तर्फको उपाधि
यस्तै, साविक विजेता एपीएफ भलिबल क्लबलाई पराजित गर्दै आयोजक टाइगर ग्रुप अफ पोखराले पाचौँ संस्करणको टाइगर कप भलिबल अन्तर्गत महिला भलिबलको उपाधि उचालेको छ।
पोखरा रगंशालास्थित कभर्डहलमा आइतबार भएको महिलातर्फको फाइनलमा टाइगर ग्रुपले ३–२ को सेटमा हराउँदै उपाधि जितेको हो।
टाइगर कपको उपाधि पहिलो पटक आयोजक टोलीले उचालेको हो।
एपीफले पहिलो सेट २५–१७ ले जित्यो। दोस्रो सेट भने टाईगर ग्रुपले २९–२८ ले आफ्नो पक्षमा पारेको थियो।
तेस्रो सेट भने एपीएफले २५–२१ ले जित्यो। तर चौथो सेटमा टाइगर ग्रुपले २५ ले आफ्नो पक्षमा पार्दै सेट बराबरी गरेको गर्यो।
पाचौँ तथा अन्तिम सेट टाइगर ग्रुपले १५–१३ ले लगातार आफ्नो पक्षमा पार्दै उपाधि जितेको हो।
पुरुषतर्फको फाइनल खेल केहीबेरमा सुरु हुनेछ। पुरुषतर्फ गण्डकी प्रदेश र नेपाल पुलिस क्लब भिड्नेछन्।
