लिबाङ । राष्ट्रिय जनमोर्चा रोल्पाका अध्यक्ष मेघनाथ विष्टका बुबा नैनै विष्टको निधन भएको तेह्रौँ दिन श्रद्धाञ्जली कार्यक्रम सम्पन्न भएको छ ।
राजमो केन्द्रीय सदस्य तथा मल्लरानी गाउँपालिका अध्यक्ष कृष्णबहादुर खड्काको प्रमुख आतिथ्यमा २०८१ माघ १७ गते बिहीबार सुनिलस्मृति गाउँपालिका–३ मिझिङमा सो कार्यक्रम सम्पन्न भएको हो ।
कार्यक्रममा अखिल नेपाल युवक सङ्घका पूर्व अध्यक्ष काशीनाथ पोख्रेल र नेकपा (एमाले) का लुम्बिनी प्रदेश सभासद यमुना रोकामगरको विशिष्ट आतिथ्य रहेको थियो ।
मृतकका छोरासमेत रहनुभएका मेघनाथ विष्टको अध्यक्षता तथा राजमो जिल्ला समितिका सचिव डम्बर खड्काको सञ्चालनमा उक्त कार्यक्रम अघि बढेको थियो ।
श्रद्धाञ्जली सभामा प्रमुख अतिथि, विशिष्ट अतिथिका साथै अखिल नेपाल शिक्षक सङ्घका केन्द्रीय सदस्य दुर्गाप्रसाद रोका, राजमो लुम्बिनी प्रदेश समितिका सल्लाहकार हस्तमणि पुन, नेपाली काङ्ग्रेसका प्रतिनिधि लेखनाथ आचार्य, एमाले जिल्ला उपसचिव बमबहादुर पुन, नेकपा (माओवादी केन्द्र) रोल्पाका सचिव पूर्णबहादुर ओली र परिवारका सदस्यहरू अम्बरसिंह थापा र हीराबहादुर थापाले मन्तव्य राख्नुभएको थियो ।
कार्यक्रममा मृतककी नातिनीसमेत रहनुभएका अखिल (छैठौं) की खगेन्द्रा विष्ट, अखिल नेपाल किसान महासङ्घ (अप्फा) का जिल्ला अध्यक्ष केबी थापा, अखिल नेपाल महिला सङ्घकी अध्यक्ष सुस्कता सिंह, राजमो प्युठानका जिल्ला सदस्यहरू गिरबहादुर गुरुङ र लालबहादुर रावत, राजमो स्वर्गद्वारीका उपाध्यक्ष गङ्गाराम बिसी, सचिव द्रोणबहादुर रावत, सदस्य शिव पन्थीको आतिथ्य रहेको थियो ।
