वीरेन्द्रनगर । सङ्घीयता विरोधी काठमाडौँकेन्द्रित आन्दोलनको तयारीका लागि सुर्खेतमा पत्रकार सम्मेलन सम्पन्न भएको छ ।
केन्द्रीय उपाध्यक्ष जनकराज शर्माको प्रमुख आतिथ्यमा २०८१ माघ ९ गते बुधबार सदरमुकाम वीरेन्द्रनगरमा सो कार्यक्रम सम्पन्न भएको हो ।
राजमो सुर्खेतद्वारा आयोजित सो कार्यक्रममा काठमाडौँकेन्द्रित आन्दोलनको तयारीसित सम्बन्धित विभिन्न विषयमा प्रमुख अतिथि शर्माले जानकारी दिनुभएको थियो ।
कार्यक्रममा जानकारी गराइएअनुसार सुर्खेतमा माघ १५ देखि फागुन १० सम्म साङ्गठनिक प्रशिक्षणसहितका जनचेतनामूलक कार्यक्रम तथा आर्थिक अभियान सञ्चालन गरिने छ ।
त्यसैगरी, फागुन ११ देखि चैत १० गतेसम्म स्थानीय तहसम्म र निर्वाचन क्षेत्रमा सभाका कार्यक्रम सम्पन्न गरिने भएको छ ।
एवम् प्रकारले चैत ११ गते जिल्ला तथा प्रदेशस्तरीय सभा सम्पन्न गर्ने कार्यक्रम रहेको छ ।
पत्रकार भेटघाट कार्यक्रममा राजमो केन्द्रीय सदस्य रत्नविक्रम राना प्यासी, राजमो कर्णाली प्रदेश अध्यक्ष पूर्णबहादुर शाही र नेपाल कम्युनिस्ट पार्टी ९मसाल० सुर्खेतका प्रवक्ता मोहन मिदुन थापामगरको पनि उपस्थिति रहेको थियो ।
कार्यक्रमको सञ्चालन राजमो सुर्खेतका सचिव विष्णुप्रसाद शर्माले तथा अध्यक्षता कार्यवाहक जिल्ला अध्यक्ष भूपेन्द्रबहादुर नेपालीले गर्नुभएको थियो ।
