रवि पौडेल, पान्डिचेरी (भारत) ।
पान्डिचेरीको मुदलियरपेटमा खेलकुद प्रतियोगिता सम्पन्न भएको छ ।
मूल प्रवाह अखिल भारत नेपाली एकता समाजको आयोजनामा जनवरी १५, २०२५ का दिन सो कार्यक्रम सम्पन्न भएको हो ।
प्रतियोगिताको उद्घाटन केन्द्रीय सदस्य एवम् क्षेत्रीय सचिव जनकराज पौडेलले गर्नुभएको थियो ।
सो अवसरमा मन्तव्य राख्दै उहाँले राजनीतिलाई खेलसँग जोड्ने प्रयत्न गरेकोमा एरिया समितिलाई धन्यवाद दिनुभएको थियो ।
उहाँले आगामी दिनमा पनि यसरी नै राजनीति तथा खेलको माध्यमबाट जनतालाई जोड्न आह्वान गर्नुभयो ।
मूल प्रवाह केन्द्रीय सदस्य भगवती कुँवरले कार्यक्रम सफलताको शुभकामना दिनुभएको थियो ।
कार्यक्रममा क्षेत्रीय सदस्य गोविन्द शर्मा र नगर समितिका बलबहादुर क्षेत्रीको आतिथ्य रहेको थियो ।
रबि पौडेलको अध्यक्षतामा अघि बढेको कार्यक्रमको सञ्चालन शिव गायकले गर्नुभएको थियो । उपस्थित जनमानसलाई भद्रबहादुर जिसीले शब्दद्वारा स्वागत गर्नुभएको थियो ।
प्रतियोगिताको म्युजिक चेयरतर्फ प्रथम समीर गायक, द्वितीय रवि पौडेल र तृतीय भगवती कुँवर हुनुभएको थियो ।
त्यस्तै, चम्चादौडतर्फ प्रथम सूर्य गायक, द्वितीय सिजन गायक र तृतीय बलबहादुर क्षेत्री रहनुभएको थियो ।
उपर्युक्त विजेताका साथै विद्यार्थीहरू रोसनी गायक, रिजा गायक, सिद्धान्त गायक, मिलन गायक, अबेस गायक र सिमन गायकलाई सान्त्वना पुरस्कार प्रदान गरिएको थियो ।
विजयी खेलाडीलाई मूल प्रवाहका केन्द्रीय सदस्य चन्द्रकान्त शर्माले बधाई दिनुभएको थियो ।
