केरसिंह अदै, तौलिहवा ।
सङ्घीयताको विरुद्धमा राष्ट्रिय जनमोर्चा कपिलवस्तुले मोटरसाइकिल र्यालीसँगै १३ स्थानमा कोणसभा सम्पन्न गरेको छ ।
आगामी चैत २४ देखि ३० गतेसम्म आयोजित सङ्घीयता खारेजीकालागि काठमाडौँकेन्द्रित आन्दोलनलाई सफल पार्न २०८१ पुस २७ गते शनिबार सो कार्यक्रम सम्पन्न भएको हो ।
राजमो जिल्ला समितिको निर्णयअनुसार पुस २७ र २८ गते जिल्लाभरि मोटरसाइकिल र्यालीसहित प्रचारात्मक कार्यक्रमअन्तर्गत उक्त कार्यक्रम सुरु भएको राजमोले जनाएको छ ।
वनगाईबाट राजमो केन्द्रीय सल्लाहकार पूर्व जिल्ला अध्यक्ष दधिराम आचार्यले र्यालीको उद्घाटन गर्नुभएको थियो । सोही स्थानमा भएको कोणसभालाई राजमो कपिलवस्तुका अध्यक्ष रामप्रसाद बेलबासेले सम्बोधन गर्नुभएको थियो ।
४ नम्बर जितपुरमा भएको कोणसभालाई नेकपा (मसाल) कपिलवस्तुका प्रवक्ता माधव भाटक्षेत्रीले सम्बोधन गर्नुभएको थियो ।
ओदारीमा भएको कोणसभालाई राजमो कपिलवस्तुका उपाध्यक्ष दलबहादुर कुँवरले सम्बोधन गर्नुभएको थियो ।
पछेहरामा भएको कोणसभालाई रक्तिम सांस्कृतिक अभियानका केन्द्रीय सदस्य मानबहादुर नेपालीले सम्बोधन गर्नुभएको थियो ।
फुलिकामा भएको कोणसभालाई राजमो केन्द्रीय सल्लाहकार आचार्यले सम्बोधन गर्नुभएको थियो ।
त्यस्तै, पकडीचौडा र बारहहियामा सम्पन्न कोणसभालाई अखिल नेपाल किसान महासङ्घ (अप्फा) का केन्द्रीय उपाध्यक्ष शिव पौडेलले सम्बोधन गर्नुभएको थियो ।
दोहनीमा भएको कोणसभालाई राजमो कपिलवस्तुका कोषाध्यक्ष केहरसिंह पुनले सम्बोधन गर्नुभएको थियो ।
तौलिहवामा भएको कोणसभालाई नेकपा (मसाल) कपिलवस्तुका प्रवक्ता भाटक्षेत्रीले सम्बोधन गर्नुभएको थियो ।
गोरुसिङ्गेमा आयोजित कोणसभालाई अखिल नेपाल ट्रेड युनियन महासङ्घ (अन्टुक) का केन्द्रीय सदस्य तथा राजमो कपिलवस्तुका सचिव केरसिंह अदैले सम्बोधन गर्नुभएको थियो ।
बुद्धीमा भएको कोणसभालाई राजमो कपिलवस्तुका अध्यक्ष बेलबासेले सम्बोधन गर्नुभएको थियो ।
भेलाईमा सम्पन्न कोणसभालाई नेकपा (मसाल) कपिलवस्तुका प्रवक्ता भाटक्षत्रीले सम्बोधन गर्नुभएको थियो ।
त्यस्तै, पत्थरकोटमा भएको कोणसभालाई अखिल नेपाल शिक्षक सङ्घ कपिलस्तुका अध्यक्ष हिमलाल बेलबासेले सम्बोधन गर्नुभएको थियो ।
पुस २८ गते सो अभियान खरेन्द्रपुरदेखि सुरु भई पश्चिम भेगसम्म पुग्ने छ ।
