रामप्रसाद पौडेल, नागपुर (भारत)
मूल प्रवाह अखिल भारत नेपाली एकता समाज, मध्य दक्षिण क्षेत्रीय समिति अन्तर्गत नागपुर नगर समितिको सातौं नगर सम्मेलन सम्पन्न भएको छ ।
सम्मेलनले ईश्वर पुनको अध्यक्षता मा ११ पूर्ण ३ वैकल्पिक र ३ सल्हाहकार गरी १७ सदस्यीय नागपुर नगर समिति चयन गरेको छ । जसको उपाध्यक्ष, सचिव, सह सचिव र कोषाध्यक्षमा क्रमसः प्रेम बहादुर थापा, इन्द्रलाल जिएम, अशोक शर्मा, मंगल बहादुर पुन रहनुभएको छ ।
सदस्यहरूमा वीरबहादुर पुन, ललितजंग चन्द, तेजबहादुर पुन, किसन पुन, होमबहादुर जिएम, रुपलाल जिएम, वैकल्पिक सदस्य मन्जु घर्ती, भानु बुढाथोकी, मिना पुन तथा सल्लाहकारमा जैकला पुन, महिमा पुन र वसन्त पौडेल रहनुभएको छ।
नागपुर सहरको हिस्लाप कलेजमा डिसेम्बर २९, २०२४ का दिन सम्पन्न घोषणा सभामा प्रमुख अतिथि मूल प्रवाह अखिल भारत नेपाली एकता समाजका केन्द्रीय सदस्य तथा मध्य दक्षिण क्षेत्रीय समितिका अध्यक्ष रामप्रसाद पौडेल हुनुन्थ्यो ।
उहाँले कार्यक्रम लाई सम्बोधन गर्दै मूल प्रवाहले भारत प्रवासमा रहेका नेपाली हरुलाइ सचेत गराउँदै, उनीहरूमाथि आइपर्ने हरेक प्रकारका समस्याहरु समाधान गर्दै आइरहेको बताउनुभयो ।
कार्यक्रममा पौडेलले राष्ट्रिय जनमोर्चाले आगामी चैत २४ गतेदेखि आयोजना गर्न लागेको संघीयता विरोधी काठमाडौं केन्द्रित आन्दोलनलाई सफल पार्न प्रवासी नेपालीहरूसँग आह्वान गर्नुभयो ।
कार्यक्रममा मूल प्रवाहका केन्द्रीय सदस्य भीमबहादुर थापाले विशिष्ट अतिथिको रुपमा सम्बोधन गर्नुभएको थियो भने मूल प्रवाह मध्य दक्षिण क्षेत्रीय समितिका सदस्य विजय विष्ट, रक्तिम सांस्कृतिक विभागकी क्षेत्रीय संयोजक माया थापा, विद्यार्थी क्षेत्रीय समितिबाट कुसुम क्षेत्री, इसाई धर्मावलम्बी पास्टर मंगल पुन, बर्धा नगर समितिका अध्यक्ष शेर बहादुर खड्का, सामाजिक कार्यकर्ता भरत थापा लगायतका अतिथिहरुले शुभकामना दिनुभएको थियो।
सहिदहरुप्रति एक मिनेट मौन धारण गरिएको सने कार्यक्रमको अध्यक्षता रुपलाल जिएम, सञ्चालन तेजबहादुर पुन र स्वागत मंगल पुनले गर्नुभएको थियो।
नवनिर्वाचित समितिको प्यनाल भीम बहादुर थापाले प्रस्तुत गर्नुभएको थियो । कार्यक्रममा रक्तिम परिवारद्वारा रोचक सांस्कृतिक कार्यक्रम प्रस्तुति गरिएको थियो।
सातौं सम्मेलनको उद्घाटन २०२४ डिसेम्बर २८ का दिन गरिएको थियो । मूल प्रवाहका केन्द्रीय सदस्य भीमबहादुर थापाले उक्त सम्मेलन उद्घाटन गर्नुभएको थियो ।
रुपलाल जिएमको अध्यक्षता, मंगल पुनको सन्चालनमा अघि बढेको कार्यक्रममा अतिथिको आसन ग्रहण तथा वीर सहिदहरुप्रति एक मिनेट मौन धारण पश्चात् इश्वर पुनले स्वागत गर्नुभएको थियो।
