लोकेन्द्र पौडेल, बैङ्गलोर (भारत) ।
भारतको बैङ्गलोरमा मूल प्रवाह अखिल भारत नेपाली एकता समाजले एक सय बत्तिसौँ माओजयन्ती मनाइएको छ ।
मूल प्रवाहको बेङ्गलोर दक्षिण नगर समितिको आयोजनामा डिसेम्बर २६, २०२४ का दिन सको कार्यक्रम सम्पन्न भएको हो ।
केन्द्रीय सदस्य नरेशकुमार विकको प्रमुख आतिथ्यमा अघि बढेको कार्यक्रमा दक्षिण भारत क्षेत्रीय समितिका उपाध्यक्ष दशरथ विकको पनि आतिथ्य रहेको थियो ।
कार्यक्रममा मन्तव्य राख्दै अतिथिहरूले माओको योगदानको बारेमा सङ्क्षिप्तमा चर्चा गर्नुभएको थियो ।
त्यस्तै, क्षेत्रीय महिला विभागका सदस्य पार्वतीदेवी विक, रक्तिम सांस्कृतिक कलाकारबाट ज्योति विक, विद्यार्थी विभागका सदस्य सुशील विक, महिला विभाग नगरबाट शर्मिला जाग्रीले शुभकामना मन्तव्य व्यक्त गर्नुभएको थियो ।
नगर समितिका कोषाध्यक्ष रमेशराम विकको अध्यक्षता तथा सचिव दानबहादुर पहरीको सञ्चालन तथा स्वागत नगर समितिका सदस्य राजुदेवी विकले गर्नुभएको थियो ।
