काठमाडौं । सूर्यदर्शन सहकारी ठगी प्रकरणमा गण्डकी प्रदेश सभाकी पूर्वसदस्य मीना गुरुङ पक्राउ परेकी छन् ।

सहकारीकी पूर्वउपाध्यक्ष गुरुङलाई मंगलबार कास्की प्रहरीले घरबाटै पक्राउ गरेको हो ।

यसअघि गएको शुक्रबार र आइतबार गरी जिल्ला अदालत कास्कीमा पेश गरिएको अभियोजनपत्रमा मीनालाई पनि फरारको सूचीमा राखेर अभियोजन दर्ता गरिएको थियो। उनलाई जिल्ला प्रहरी कार्यालयको हिरासतमा राखिएको र अदालत खुल्नासाथ अदालत पेश गरिने कास्की प्रहरी प्रमुख प्रहरी उपरीक्षक श्यामबाबु ओलियाले जानकारी दिए।

सूर्यदर्शन सहकारी ठगीमा संस्था र व्यक्ति गरेर ६३ जनाविरुद्ध अभियोजन दर्ता भएको छ।

मीना पूर्वप्रदेशसभा सांसद पनि हुन्। अघिल्लो गण्डकी प्रदेशसभामा मीना एमालेको तर्फबाट समानुपातिक सांसद बनेकी थिइन्।