केरसिंह अदै, तौलिहवा ।
कपिलवस्तु जिल्ला शिवराज नगरपालिकाको खरेन्द्रपुरमा रक्तिम सांस्कृतिक अभियानको तेस्रो भेला तथा अखिल (छैठौं) को दोस्रो नगर भेला सयुक्त रूपमा सम्पन्न भएको छ ।
रक्तिमका केन्द्रीय सदस्य मानबहादुर नेपाली र अखिल (छैठौं) की केन्द्रीय सदस्य तथा जिल्ला अध्यक्ष टिना अदैको आतिथ्यमा २०८१ पुस ६ गते शनिबार सो भेला सम्पन्न भएको हो ।
रक्तिमको अध्यक्षमा पोखरेल
भेलाले पूजा पोखरेल अध्यक्ष रहनुभएको रक्तिमको शिवराज नगर समिति गठन गरेको छ ।
समितिको उपाध्यक्षमा राजु विक, सचिवमा बिनिता पौडेल र कोषाध्यक्षमा सावित्री परिवार रहनुभएको छ ।
सदस्यमा बिहान अदै, सुस्मिता विक, भावना पोखरेल, अस्मिता बुढामगर, समीक्षा विक, विकास पर्टेल, आयुषा अदै, विपिन पुन, टिना अदै तथा सल्लाहकारमा बेगम बुढा, सुशीला खनाल, बिनिता अदै र तिकमाया भण्डारी रहनुभएको छ ।
अखिल (छैठौं) को अध्यक्षमा विक
त्यस्तै, अखिल (छैठौं) शिवराज नगर समितिको सुस्मिता विक रहनुभएको छ भने उपाध्यक्षमा माधवी खड्का, सचिवमा कुशलावती केवट र कोषाध्यक्षमा विकास पर्तेल रहनुभएको छ ।
समितिको सदस्यमा सुजाता विक, विनिता पौडेल, आयुषा अदै, रिजन सुनार, महेन्द्र सुनार, रमिता विक, कल्पना रहिदास, ललित अदै, साधना धवल र अस्मिता बुढा तथा सल्लाहकारमा टिना अदै, सुशीला यादव र सुन्दरी लनिया रहनुभएको छ ।
भेलालाई प्रमुख अतितिहरू नेपाली, अदैका साथै अखिल नेपाल ट्रेड युनियन महासङ्घ (अन्टुक) का केन्द्रीय सदस्य तथा राष्ट्रिय जनमोर्चा कपिलवस्तुका सचिव केरसिंह अदै, जातीय समता समाजका केन्द्रीय सल्लाहकार तथा जिल्ला अध्यक्ष दिलबहादुर विक र रक्तिम वाणगङ्गा नगर समिति अध्यक्ष कल्पना भट्टराईले शुभकामना दिनुभएको थियो ।
राजु विकको अध्यक्षता तथा सुस्मिता विकको सञ्चालनमा अघि बढेको सो भेलामा उपस्थित जनसमुदायलाई विविध सांस्कृतिक कार्यक्रमसँगै रक्तिमका कलाकारहरूले स्वागत गर्नुभएको थियो ।
