दिनेश रैदास, दाङ ।
अखिल (छैठौं) ले दाङ जिल्लामा तीन महिने अभियान सुरु गरेको छ । ‘निराशा, पलायन र लागुऔषध दुर्व्यसनी विरुद्धको अभियान’ नारासहित पुस, माघ र फागुन मसान्तसम्मको अभियान थालेको हो ।
अभियानको राप्ती बबई क्याम्पस तुलसीपुरबाट उद्घाटन गरिएको छ। सो क्रममा सोही क्याम्पसमा अखिल (छैठौं) ले संगठन विस्तारसमेत गरेको छ ।
कार्यक्रमलाई सम्बोधन गर्दै अखिल (छैठौं) का जिल्ला अध्यक्ष सेवक भट्टराईले विद्यार्थीहरुको हक अधिकार प्राप्ति, शैक्षिक विकृति तथा राष्ट्रघातविरुद्ध विद्यार्थी र जनताका बिचमै रहेर संघर्ष गर्ने संगठन अखिल (छैठौं) मात्रै रहेको बताउनु भयो ।
कार्यक्रमलाई राष्ट्रिय जनमोर्चा दाङ जिल्ला सचिवालय सदस्य शुक्रराज भण्डारीले पनि सम्बोधन गर्नु भएको थियो।
अभियानका क्रममा राप्ती बबई क्याम्पसमा मनिषा भण्डारीको अध्यक्षतामा २५ सदस्यीय इकाई समिति गठन भएको छ । उपाध्यक्ष प्रतिज्ञा भण्डारी, सचिव तुलसीराम भण्डारी, कोषाध्यक्ष निर्मला विश्वकर्मा चयन हुनु भएको छ।
त्यसैगरी सदस्यमा आकृति भण्डारी, सभ्यता भुसाल, प्रिती शाह, मनिषा रेग्मी, सृष्टि श्रेष्ठ, भावना डाँगी, एलिना भण्डारी, जमुना ओली, एलिसा ओली, देवराज विश्वकर्मा, खीमा सिंजाली, लक्ष्मी केसी, नरेन्द्र ओली, जनक ऐरी, प्रेम चलाउने, बसन्ता वाग्ले, आज्ञा हमाल, रीचा भण्डारी, सुबास रिजाल, मोहन रोकाया र सुबाश धिताल रहनु भएको छ।
कार्यक्रममाा अखिल (छैंठौ) दाङ प्युठान सम्पर्क समितिका अध्यक्ष बसन्तराज गोराथोकीकोे उपस्थिती रहेको थियो। अखिल (छैंठौ) दाङ जिल्ला कोषाध्यक्ष तुलसीराम भण्डारीकोे अध्यक्षता तथा मनिषा भण्डारीकोे स्वागत मन्तव्यबाट शुरु भएको कार्यक्रमकोे सञ्चालन जिल्ला सचिव दिनेश रैदासले गर्नु भएको थियो।
