दाङ देउखुरी । दाङमा अखिल (छैठौँ) ले लागुपदार्थ विरुद्ध अभियान गर्ने भएको छ ।
जिल्ला सचिव दिनेश रैदासको हस्ताक्षरमा २०८१ मङ्सिर २२ गते शनिबार जारी गरिएको प्रेस वक्तव्यमा यस्तो भनिएको हो ।
यस्तो छ प्रेस वक्तव्यको पूर्णपाठ :
अखिल नेपाल राष्ट्रिय स्वतन्त्र विद्यार्थी युनियन (छैंठौँ) जिल्ला समिति दाङको बैठक अध्यक्ष सेवक भट्टराईकोे अध्यक्षता तथा राजमो जिल्ला अध्यक्ष गणेश आचार्यको प्रमुख आतिथ्यतामा सम्पन्न भयो । बैठकले गरेका निर्णयहरुको जानकारीको लागी यो प्रेस विज्ञप्ति जारी गरिएको छ।
१. सङ्गठनको कामलाई प्रभावकारी बनाउन निम्न अनुसार पालिका इन्चार्ज तय गरिएको छ ।
राप्ती गाउँपालिका प्रकाश भण्डारी, लमही नगरपालिका निर्मला खनाल, गढवा गाउँपालिका तुलसीराम भट्टर्राई, राजपुर गाउँपालिका मिना केसी, घोराही उपमहानगरपालिका प्रशंसा पुन, तुलसीपुर उपहानगरपालिका तुलसीराम भण्डारी, बंगलाचुली र दंगिशरण दिनेश रैदास, शान्तिनगर र बबईमा सेवक भट्टराई ।
२. आगामी पुस १ देखि फागुन मसन्तासम्म तिन महिना निराशा , पलायन र लागुऔसध दुर्ब्यसनी विरुद्ध सङ्गठित बनौँ भन्ने मुल नारासहित निराशा , पलायन र लागुऔसध बिरोधि विद्यार्थी सचेतना अभियान सञ्चालन गर्ने निर्णय भएको छ ।
३. विद्यार्थीहरूको प्रतिभालाई विकास गर्ने योजनासहित आगामी वैशाखसम्म हाम्रो उद्घोष नामक मुखपत्र प्रकाशन गर्ने निणर्य भएको छ।
४. विद्यार्थीहरूको नेतृत्व विकास र सैद्धान्तिक , वैचारिक क्षमता अभिवृद्धिको लागि यहि मङ्सिर २८ देखि ३० गतेसम्म घोराहीमा जिल्ला स्तरिय प्रशिक्षण कार्यक्रम गर्ने निणर्य भएको छ।
५. अगामी फाल्गुन महिनामा शैक्षिक आन्दोलन, युवा पलायन , निराशा आदीका विषयमा सरोकारवाला सबैलाइ बोलाइ अन्तर्कृया कार्यक्रम गर्ने निणर्य भएको छ।
६. सङ्घीयताका विरुद्धमा आगामी चैत्र २४ देखि हुने राजमोकोे राजधानी केन्द्रित आन्दोलनलाई सहयोग गर्ने निर्णय भएको छ ।
