रियाद । सउदी अरब नेपाली एकता समाजले भारतले गरेको नेपालको सीमा अतिक्रमणलाई स्वाधीनता, सार्वभौमसत्ता र भौगोलिक अखण्डताको विरुद्ध भएको बताउँदै त्यसको घोर विरोध र भत्र्सना गरेको छ ।

सउदी अरब नेपाली एकता समाजका अध्यक्ष राजकुमार धिताल र महासचिव जेबी लामाको हस्ताक्षरमा २०७७ जेष्ठ ३ गते जारी गरिएको प्रेस वक्तव्यमा यस्तो विरोध गरिएको हो ।

वक्तव्यमा भारतले नेपाली भूमि लिपुलेकमा राख्दै आएको सेनालाई तत्कालै हटाउन माग गरिएको छ । १८१६ को सुगौली सन्धिअनुसार नेपालको पश्चिमी सीमा महाकाली नदी भएकाले भारलते त्यसको मुहान लिम्पियाधुरादेखि कालापानी हुँदै लिपुलेकसम्मको भूमि अतिक्रमण गर्नुलाई वक्तव्यमा नेपालको राष्ट्रिय स्वाधीनता र भौगोलिक अखण्डता विरुद्धको कार्य बताइएको हो ।