टेकराज भुसाल, सन्धिखर्क ।
अपाङ्गता भएका व्यक्तिहरूको तेत्तिसौँ अन्तर्राष्ट्रिय दिवस (डिसेम्बर ३) अर्घाखाँचीको भूमिकास्थान नगरपालिका ढाकाबाङमा पनि मनाइएको छ ।
नगरपालिकाको महिला, बालबालिका तथा ज्येष्ठ नागरिक शाखाको आयोजनामा ढाकाबाङमा २०८१ मङ्सिर १८ गतेका दिन अपाङ्गता भएका व्यक्तिको अधिकारसम्बन्धी अन्तरक्रिया कार्यक्रमसँगै सम्पन्न भएको हो ।
नगरपालिकाको वडा नम्बर २ का वडाध्यक्ष बुद्धिबहादुर थापाले उद्घाटन गर्नुभएको उक्त कार्यक्रममा कार्यपालिका सदस्य केशरा परियार, तीर्था बेलबासे, वडासदस्य नारायणप्रसाद खनाल, मेघराज खनाल, द्रोण बेलबासे, नगरपालिकाका नगरस्तरीय युवा सञ्जालका संयोजक टेकराज भुसाल, वडासचिव बादल कुशहवा, प्राविधिक हुमाकान्त बन्जाडेलगायत करिब ५० जना व्यक्तिको उपस्थिति थियो ।
कार्यक्रममा शान्ता आचार्यले अपाङ्गताको परिचय, अपाङ्गता भएका व्यक्तिले पाउने सेवासुविधालगायतका विषयमा प्रशिक्षण दिनुभएको थियो ।
