काठमाडौं । नेपाल प्रिमियर लिग (एनपीएल) को उद्घाटन खेलमा समर्थकबीच झडप भएको छ।
शनिबार दिउँसो खेल चलिरहँदा विराटनगर किङ्स र जनकपुर बोल्ट्सका समर्थकबीच झडप भएको हो।
झडपमा ७ जना घाइते भएका प्रहरीले जनाएको छ । घाइते हुनेमा दुई जना प्रहरी नै छन्। समर्थकबीच झडप भएपछि छुट्याउन गएका प्रहरी घाइते भएका हुन्।
घाइते हुने प्रहरी प्रहरीमा जवान अजय तामाङ र दानबहादुर राउत रहेका छन्।
यस्तै दुवैतर्फका ५ जना समर्थक पनि घाइते भएका छन्। गुल्मीका शिशिर गौतम, कपिलवस्तुका केशव आचार्य, रुपन्देहीका जयन श्रेष्ठ, बैतडीका केशव नेगी र रुकुमका प्रेम खड्गी रहेका छन्।
घाइतेहरूको प्रहरीले उद्धार गरेको थियो।
तीन जना उपचारपछि डिस्चार्ज भइसकेको र चार जनाको विभिन्न अस्पतालमा उपचार भइरहेको प्रहरीको भनाई छ ।
उद्घाटन खेलमा सन्दीप लामिछानेको कप्तानीमा रहेको विराटनगर अनिल साहको कप्तानीमा रहेको जनकपुरसँग ८ विकेटले पराजित भएको छ।
