कुश्माबजार । राष्ट्रिय जनमोर्चा पर्वतका सदस्य धनपति न्यौपानेको निधन भएको छ ।
पर्वत जिल्ला पैयुँ गाउँपालिका वडा नम्बर २ अर्धुन निवासी ६७ वर्षीय न्यौपानेको २०८१ मङ्सिर ८ गते शनिबार निधन भएको हो ।
स्मृतिशेष न्यौपानेको सोही दिन दाहसंस्कार गरिएको छ । उहाँको पार्थिक शरीरमाथि राजमो पर्वतका जिल्ला सदस्य भीमलाल न्यौपानेले राजमोको झन्डा ओढाउनुभएको थियो ।
दाहसंस्कारस्थलमा गोपिचन्द्र बस्याल, हिमलाल बस्याल, कृष्ण भुर्तेल, टङ्क तिवारी, कृष्ण सापकोटा, महेन्द्र श्रेष्ठलगायतले स्मृतिशेष न्यौपानेको शवमा फूल अर्पण गर्नुका साथै एक मिनट मौनधारण गरिएको थियो ।
न्यौपाने रक्तिम सांस्कृतिक अभियानका कलाकार हुनुका साथै त्रिवेणीस्थित निर्मल जनसेवा माध्यमिक विद्यालयका पूर्व शिक्षक पनि हुनुहुन्थ्यो ।
समाजसेवी, निष्ठावान् र सरल व्यक्तित्व न्यौपानेको परिवारमा पत्नी, दुई छोरा र तीन छोरी रहेका छन् ।
उहाँको निधनप्रति राजमो पर्वतले श्रद्धाञ्जली तथा शोकसन्तप्त परिवारप्रति समवेदना व्यक्त गरेको छ ।
