बुटवल । रुपन्देहीको बुटवलमा ‘संघीयता विरुद्धको मञ्च’ गठन भएको छ । गणतन्त्र, समावेशिता तथा धर्मनिरपेक्षताका पक्षधर तथा संघीयताप्रति असहमत राख्नेहरूको भेलाले सो मञ्च गठन गरेको हो ।
राष्ट्रिय जनमोर्चाका नेता बद्रे आलमको संयोजकत्वमा गठित संघीयता विरुद्धको मञ्चका सदस्यहरुमा चेतनाथ आचार्य (बुटवल), ढुण्डीराज शर्मा (बुटवल), गणेश गौतम (बुटवल), टानबहादुर केसी (बुटवल), लिलबहादुर केसी (तिलोत्तमा), पदम श्रेष्ठ (बुटवल) र सरिता जि.सी. (सैनामैना) रहनुभएको छ । हाल एक स्थान रिक्त राखिएको छ ।
संयोजक आलमले स्ङघीयता विरुद्धको मञ्च एउटा खुकुलो प्रकारको संघीयता विरुद्धको मतराख्नेहरु बिचको सम्पर्क सम्बन्ध, विचारको आदान प्रदान गर्ने केन्द्रको रुपमा रहने बताउनु भएको छ । यसको कुनै विधान नहुने, कुनै संगठनात्मक नियमावलीद्वारा सञ्चालन नभै स्वइच्छाले सहभागी हुन वा त्यसबाट अलग हुन व्यक्ति स्वतन्त्र रहन सक्नेछन् ।
स्मरणीय छ, राष्ट्रिय जनमोर्चाले आगामी चैत २४ गतेदेखि संघीयताविरुद्ध काठमाडौं केन्द्रित आन्दोदल गर्ने घोषणा गरेको छ ।
