लिबाङ । रोल्पा जिल्लाको रुन्टिगढी र सल्यान जिल्लाको कपुरकोट गाउँपालिकामा अखिल नेपाल किसान महासङ्घ (अप्फा) का पालिका समिति गठन भएका छन् ।
अप्फाका महासचिव तुलसी आचार्य र राष्ट्रिय जनमोर्चा लुम्बिनी प्रदेश समितिका सल्लाहकार हस्तमणि पुनको विशेष उपस्थितिमा २०८१ मङ्सिर १ गते आयोजित छुट्टाछुट्टै भेलामाझ ती समिति गठन भएका हुन् ।
रुन्टिगढी
रोल्पाको रुन्टिगढीमा टोपबहादुर पुन अध्यक्ष रहनुभएको एक रिक्तसहित सात पूर्ण सदस्य र तीन सल्लाहकार रहनुभएको अप्फाको पालिका समिति गठन गरिएको छ ।
समितिको उपाध्यक्षमा दिलबहादुर डाँगी, सचिवमा रेशम पुन, कोषाध्यक्षमा चित्रबहादुर भण्डारी तथा सदस्यमा शशिराम पुन, अनिता पुन र बलबहादुर पुन रहनुभएको छ ।
भेलाले कमानसिंह पुन, पवित्रा घर्ती र दिलकुमारी सुनारलाई सल्लाहकारमा चयन गरेको छ ।
कपुरकोट
सल्यान जिल्लाको कपुरकोटमा अनबहादुर बुढा अध्यक्ष रहनुभएको अप्फाको पालिका समिति गठन गरिएको छ ।
समितिको सचिवमा लालमणि घर्ती, सदस्यमा रामलाल विक र सीता योगी तथा सल्लाहकारमा तुलसीराम योगी र देवराज भण्डारी चयन हुनुभएको छ ।
