काठमाडौं । भारतले लिपुलेकमा सडक निर्माण गरी नेपालको सार्वभौमिकतामाथि आँच पुर्याएको विरुद्ध बर्दियामा भारतीइ प्रधानमन्त्री नरेन्द्र मोदीको पुत्ला दहन गरिएको छ । त्यसक्रममा पाँच नेतालाई प्रहरीले पक्राउ गरेको छ ।
नेकपा (मसाल), राष्ट्रिय जनमोर्चा, क्रान्तिकारी माओवादी र नेकपा (माले) लगायतका दलहरुले बिहीबार गुलरियामा आयोजना गरेको संयुक्त विरोध कार्यक्रममा प्रहरीले हस्तक्षेप गरी नेताहरुलाई पक्राउ गरेको राजमोका पूर्व केन्द्रीय सदस्य बाशुदेव पोखरेलले जानकारी दिनुभयो ।
पक्राउ पर्नेमा नेकपा (मसाल) का जिल्ला प्रवक्ता रुद्र पुरी, राष्ट्रिय जनमोर्चाका जिल्ला अध्यक्ष युवराज ढकाल, नेकपा क्रान्तिकारी माओवादीका नेता विपीन रोकाय, नेकपा माओवादी केन्द्रका दुर्गा खत्री, देशभक्त जनतान्त्रिीक मोर्चाका हबिब खाँ रहनुभएको छ ।
कार्यक्रममा नेकपा (माले) का नेता तिर्थ चन्द लगायत नेताकायकर्ताहरुको उपस्थिती रहेको थियो ।
