काठमाडौं । ‘कामरेड जलजला’ उपन्यासका कभर डिजाइनर रतनकुमार राईले पुस्तकमा आफूले विश्वको चित्र पाएको बताउनुभएको छ ।

पुस्तकका लेखक नेकपा (मसाल) का महामन्त्री मोहनविक्रम सिंहले कभर डिजाइन गर्न आफूलाई दिएपछि पुस्तकबारे खुल्दुली जागेको र अध्ययन गर्दै जाँदा पुरै विश्वको चित्र यसमा पाएको बताउनुभयो ।

युगदर्शनलाई प्रतिक्रिया दिँदै वरिष्ठ कलाकार राईले भन्नुभएको छ, ‘उहाँले त्यसमा यति धेरै विषयलाई समेट्नुभएको छ । मलाई त्यो बुझ्न पनि गाह्रो भयो । तर, उहाँले कलालाई पनि छुनुभएको छ । कितावप्रति मेरो चासो बढ्दै गयो । र, मैले पढेँ । मैले के पाएँ भने उहाँले नोवेलमा विशाल क्यानभासमा सम्पूर्ण ब्रमाण्डको चित्र बनाउनुभएको रहेछ ।’

कलाकार राईले लेखकले पुस्तकमा देखाउन खोज्नुभएको चित्रलाई आफूले निकै मिहिनेतका साथ कभरमा उतारेको सुनाउनुभयो ।