अशोक खनाल, भालुबाङ ।
दाङको राप्तीमा राष्ट्रिय जनमोर्चाको आयोजनामा प्रगतिशील भैलोको समीक्षा तथा सङ्गठनात्मक भेला सम्पन्न भएको छ ।
राजमो केन्द्रीय सदस्य तथा दाङ जिल्ला अध्यक्ष गणेश आचार्यको प्रमुख आतिथ्यमा २०८१ कात्तिक २४ गते शनिबार लालमटियामा सो कार्यक्रम सम्पन्न भएको हो ।
कार्यक्रममा विशिष्ट अतिथिको रूपमा अखिल नेपाल किसान कहासङ्घ (अप्फा) का केन्द्रीय कोषाध्यक्ष प्रेमनारायण आचार्य हुनुहुन्थ्यो ।
त्यस्तै, कार्यक्रममा अखिल नेपाल युवक सङ्घका पूर्व अध्यक्ष काशिनाथ पोख्रेल, अखिल नेपाल बुद्धिजीवी सङ्घका केन्द्रीय सदस्य केशवराज खनाल, अखिल नेपाल जनजाति सम्मेलनमा केन्द्रीय उपाध्यक्ष रमेशमान गुरुङ, अखिल नेपाल महिला सङ्घ दाङकी उपाध्यक्ष कमला बेलबासे, रक्तिम सांस्कृतिक अभियानका केन्द्रीय सदस्य अनन्तराज आचार्य, कतार नेपाली एकता समाज प्रतिनिधि हुमाकान्त आचार्य, रक्तिमका जिल्ला कोषाध्यक्ष विक्रम पाण्डेय, अखिल (छैठौं) का पूर्व जिल्ला अध्यक्ष ध्रुव बेलबासेलगायतले मन्तव्य राख्नुभएको थियो ।
भेलामा राजमो जिल्ला सदस्य तथा राप्ती गाउँ कमिटीका इन्चार्ज केशवराज खनालले देउसीभैलोको आम्दानीखर्च प्रस्तुत गर्नुभएको थियो ।
बाबुराम थापाको अध्यक्षता तथा तारा भट्टराईको सञ्चालनमा अघि बढेको सो कार्यक्रममा माधव आचार्यले स्वागत गर्नुभएको थियो ।
भेलाले आगामी मङ्सिर १६ गतेदेखि राप्ती गाउँपालिकाका नौओटै वडामा सङ्गठन विस्तार अभियान सञ्चालन गर्ने निर्णय गरेको बताइएको छ ।
उक्त भेला राजमोको काठमाडौँकेन्द्रित आन्दोलनको तयारीस्वरूप गर्न लागिएको गाउँ कमिटीका इन्चार्ज खनालले जानकारी दिनुभयो ।
