काठमाडौँ । आगामी वर्ष सन् २०२५ को नोभेम्बर महिनामा अन्तर्राष्ट्रिय महिला विचारगोष्ठी नेपालमा हुने भएको छ ।

जर्मनीको क्यासल सहरमा यही कात्तिक महिनाको १६ देखि १९ गतेसम्म संसारका महिला कोर्डिनेटरको अन्तर्राष्ट्रिय बैठकले सो निर्णय गरेको हो ।

बैठकमा सहभागी राष्ट्रिय जनमोर्चाकी उपाध्यक्ष तथा प्रवक्तासमेत रहनुभएकी महिलानेतृ दुर्गा पौडेलले सो जानकारी दिनुभयो ।

‘त्यो बैठकले महिलाहरूको एसियाली सम्मेलन र चौथो विश्व महिला सम्मेलनबारेमा समेत आवश्यक छलफल वा निर्णय गर्ने छ’ उहाँले चलिरहेको बैठकबारे जानकारी दिँदै युगदर्शनलाई बताउनुभयो ।

राजमोनेतृ पौडेल अन्तर्राष्ट्रिय महिला सङ्गठन एसियाकी कोर्डिनेटर पनि हुनुहुन्छ ।