खिमराज चालिसे, चन्डिगढ (भारत) ।
भारतको चन्डिगढमा मूल प्रवाह अखिल भारत नेपाली एकता समाजले नोभेम्बर १, २०२४ देखि प्रगतिशील देउसीभैलो कार्यक्रमको उदघाटन गरेको छ ।
जनताको घरदैलोमा पुगी तीन दिनसम्म खेलिने देउसीभैलोको उदघाटन मूल प्रवाहका केन्द्रीय सदस्य खिमराज चालिसेले ब्यानर खोलेर गर्नुभएको थियो ।
दुईओटा टिममा विभाजन गरी खेलिने देउसीभैलो टिम ए किसन खनालको नेतृत्व रहेको छ । सो टिममा नगर अध्यक्ष मानबहादुर केसी, महिला नगर संयोजक जमुना खनालका साथै मन्जु विक, जमुना खड्का, विद्यार्थी नेता राम पन्थीलगायत २५ जनाभन्दा बढी हुनुहुन्छ ।
टिम बी तेजबहादुर रोकाको नेतृत्वमा केन्द्रीय सदस्य दिनेश खड्का, नगर सचिव थानेश्वर पान्डे, महिला क्षेत्रीय समितिकी सरस्वता भुसाल र विष्णु अर्याललगायत २५ जना सहभागी भएर बनेको छ ।
दुबै टिमले चन्डिगढमा भाइटीकासम्म प्रगतिशील रूपमा देउसीभैलो सञ्चालन गरिने मूल प्रवाहका केन्द्रीय नेता दिनेश खड्काले बताउनुभयो ।
उद्घाटन कार्यक्रम तेजबहादुर रोकाको अध्यक्षता, विष्णु बेल्बासेको सञ्चालन र बिनु नेपालीको स्वागत मन्तव्य रहेको थियो ।
