बागलुङबजार । बागलुङ जिल्ला जैमिनी नगरपालिकाको बिनामारेमा रक्तिम सांस्कृतिक अभियानको पाँचदिने प्रशिक्षण सम्पन्न भएको छ ।
२०८१ कात्तिक ९ देखि १३ गतेसम्म सो कार्यक्रम सम्पन्न भएको हो ।
प्रशिक्षण कार्यक्रमको उद्घाटन कात्तिक ९ गते रक्तिमका झलक पुनले गर्नुभएको थियो । उद्घाटन कार्यक्रमको सञ्चालन विष्णु शर्माले गर्नुभएको थियो ।
समापन समारोह अखिल नेपाल किसान महासङ्घ (अप्फा) का उपाध्यक्ष होमबहादुर पुनको प्रमुख आतिथ्यमा अगाडि बढेको थियो ।
कार्यक्रममा राष्ट्रिय जनमोर्चा बागलुङका सदस्य गोपालप्रसाद शर्मा, राजमो वडा समितिका उपाध्यक्ष पुष्प थापा, सचिव नारायण शर्मा र सदस्य केदार शर्माको पनि आतिथ्य रहेको थियो ।
समापन कार्यक्रम झलक पुनको अध्यक्षता तथा विष्णु शर्माको सञ्चालनमा सम्पन्न भएको थियो ।
सहभागी २६ जना प्रशिक्षार्थीलाई झलक पुन, खड्कबहादुर थापा, जालिपा राना र मनबहादुर रानाले गीत, सङ्गीत र नृत्यको प्रशिक्षण दिनुभएको थियो ।
