दिनेश रैदास, दाङ ।
अखिल नेपाल राष्ट्रिय स्वतन्त्र विद्यार्थी युनियन (छैठौं) दाङको १७ औं जिल्ला सम्मेलन सम्पन्न भएको छ।सम्मेलनले सेवक भट्टराईको अध्यक्षतामा ६ जना सल्लाहकारसहित २५ सदस्यीय जिल्ला समिति चयन गरेको छ ।

समितिको उपाध्यक्ष निर्मला खनाल, सचिव दिनेश रैदास, सहसचिव तुलसीराम भट्टराई र कोषाध्यक्ष तुलसीराम भण्डारी चयन हुनुभएको छ।

सदस्यहरूमा निराजन शर्मा, विकास बिष्ट, प्रशंसा पुन मगर, युगिन खनाल, श्रीविद्धा भण्डारी, पूर्णिमा थापा, भूपेन्द्र परियार, प्रमिला योगी, प्रकाश भण्डारी, पूर्णिमा बिष्ट, संस्कृति आचार्य, उषा पोखरेल, भुपेन्द्र सुनारी, रचना चौधरी रहनुभएको छ भने वैकल्पिक सदस्यमा मिना केसी, तरुनम खातुन, रविन अधिकारी, प्रेमलाल चौधरी, सुशील गिरि र मिरिस्कान सुनार रहनु भएको छ।

सम्मेलनले विकास बिष्ट, लक्ष्मी बिक, धुर्ब बेलवासे, सुनिता आचार्य, अशोक खनाल र सरिता पुनमगरलाई सल्लाहकार चयन गरेको छ।

सम्मेलनको उद्घाटन प्रमुख अतिथि अखिल (छैठौं) का केन्द्रीय अध्यक्ष देवेन्द्र कुँवरले मैनबत्ति बालेर गर्नुभएको थियो । सो अवसरमा सम्मेलनलाई सम्बोधन गर्दै उहाँले राष्ट्रघाती, भ्रष्टचारीहरूलाई तह लगाउन सबै विद्यार्थी एकजुट भएर सडकमा उत्रने बेला आएको बताउनुभयो । विद्यार्थी सचेत तप्का भएकाले राजनीतिलाई सही प्रकारले बुझ्ने क्षमता विद्यार्थीमा हुनुपर्ने आवश्यकता उहाँले औँल्याउनुभयो ।

सम्मेलनलाई सम्बोधन गर्दै विशिष्ट अतिथि राष्ट्रिय जनमोर्चाका केन्द्रीय कार्यकारी अध्यक्ष रश्मिराज नेपालीले अहिले संसदवादी विद्यार्थी संगठनहरू सत्ता र कुर्सी केन्द्रित रहेका उल्लेख गर्दै अखिल (छैठौं) दलाल सत्ताविरूद्ध निरन्तर सङ्घर्षमा केन्द्रित छ भन्नुभयो ।

अखिल (छैठौं) जिल्ला समिति दाङले १७औं जिल्ला सम्मेलनको अवसरमा दाङका पूर्वअध्यक्षहरूलाई सम्मान गरेको छ। पूर्वअध्यक्षहरू गणेश आचार्य, भानु जीएम, जीवन भण्डारी, बसन्त आचार्य, धुर्व बेलवासे र सुरेश थापालाई प्रमुख अतिथि कुँवरले सम्मानपत्र सहित सम्मान गगर्नुभएको थियो।

यस्तै, सुशील पोखरेल, धकेन्द्र डाँकी, सुबाश बन्जाडे र लक्ष्मण बिक उपस्थित नभएकोले उहाँहरूलाई पनि संगठनले सम्झिएको थियो। सम्मानित अध्यक्षबाट प्रतिनिधित्व गर्दै पूर्वअध्यक्ष जीवन भण्डारीले सत्रौं जिल्ला सम्मेलनलाई शुभकामना मन्तव्य राख्नुभएको थियो ।

त्यसैगरी जिल्ला सम्मेलनलाई राष्ट्रिय जनमोर्चाका केन्द्रिय सदस्य तथा दाङ जिल्ला अध्यक्ष र अखिल (छैठौं)का पूर्वकेन्द्रीय सचिव गणेश आचार्य, ऐरावती क्याम्पसका संस्थापक स्ववियू सभापति अशोक बेलवासे, मित्र संगठन अखिल क्रान्तिकारीका जिल्ला सहसचिव विनोद कुमार सोनी, अखिल (छैठौं)का केन्द्रीय सदस्य तथा दाङ जिल्ला इन्चार्ज रिसव आचार्य, अखिल नेपाल शिक्षक सङ्घ दाङ जिल्ला अध्यक्ष रुमाल बस्याल लगायतले शुभकामना मन्तव्य दिनुभएको थियो।

सम्मेलनमा अखिल नेपाल युवक सङ्घका पूर्व केन्द्रीय अध्यक्ष काशीनाथ पोखरेल, अखिल नेपाल किसान महासंघका केन्द्रीय कोषाध्यक्ष प्रेमनारायण आचार्य, अखिल नेपाल महिला संघकी दाङ जिल्ला उपाध्यक्ष कमला बेलबासे, अखिल नेपाल बुद्धिजीवी सङ्घका केन्द्रीय सदस्य केशवराज खनाल र जिल्ला सचिव लालबहादुर भण्डारी, अखिल नेपाल युवक संघका जिल्ला उपाध्यक्ष लेखराज आचार्य, जातीय समता समाज लुम्बिनी प्रदेश सदस्य शान्ति सुनार, अखिल नेपाल प्रगतिशील लेखक संघ लुम्बिनी प्रदेश उपाध्यक्ष सुरेश पाण्डे, अखिल नेपाल कानुन व्यवसायी सङ्घका केन्द्रीय सदस्य कृष्णप्रसाद आचार्य, अखिल नेपाल किसान महासङ्घ दाङ जिल्ला उपाध्यक्ष माधव आचार्य, रक्तिम सांस्कृतिक अभियानका दाङ जिल्ला कोषाध्यक्ष विक्रम पाण्डे, अखिल नेपाल उद्योग व्यापार सङ्घ जिल्ला सदस्य तथा राती उद्योग वाणिज्य सङ्घका वरिष्ठ उपाध्यक्ष बाबुराम थापा, राप्ती प्रेस मञ्चका अध्यक्ष अर्जुन अधिकारी, प्रगतिशील पत्रकार सङ्घ केन्द्रीय सचिवालय सदस्य तथा दाङ जिल्ला अध्यक्ष महेश रिजाल लगायतको अतिथिता रहेको थियो।

रिसव आचार्य, धुर्व बेलबासे र सुनिता आचार्यको अध्यक्ष मण्डल गठन भइ अघि बढेको बन्दसत्रमा राजनैतिक तथा साङ्गठनिक प्रतिवेदन र आर्थिक प्रतिवेदन पारित गरिएको थियो ।

सम्मेलनमा विकास बिष्ट, पूर्णिमा बिष्ट, स्वर्णिम थापा, सम्पदा पोखरेल, अस्मिता थापा, निर्मला सुनार, मनिषा सुनार, मनिका परियार र दिलप्यारी घर्ती मगर लगायतले एकल तथा ग्रुप नृत्य प्रस्तुत गर्नुभएको थियो।

जिल्ला अध्यक्ष सरिता पुनको अध्यक्षता, सहसंयोजक सेवक भट्टराईको स्वागत मन्तव्यबाट सुरु भएको सम्मेलनको सञ्चालन जिल्ला सचिव दिनेश रैदासले गर्नुभएको थियो भने ज्ञात अज्ञात सहिदहरूप्रति एक मिनेट मौन धारण गरी सम्मेलन सुरु भएको थियो ।