काठमाडौं । काठमाडौंको बूढानीलकण्ठ–१० बालुवाखानीमा रहेको फेरिल्याण्ड इन्टरनेसनल स्कुल मैत्रीपूर्ण तेक्वान्दो प्रतियोगितामा प्रथम भएको छ।
बाल दिवसका अवसरमा भएको सो प्रतियोगितामा आयोजक फेरिल्याण्ड टिम इभेन्टतर्फ प्रथम भएको हो।
यस्तै, प्रतियोगितामा नमोबुद्ध क्लब दोस्रो र हेप्पि किड्सले तेस्रो स्थान हासिल गरे।
प्रतियोगितामा पुम्से विधातर्फ द भेलो सिटी स्कुलका रिहान केसी, पुम्सेमै फेरिल्याण्डकी कृपा खपाङी, ग्यारोगितर्फ नेपाल टाइगरका दिप्सन राई उत्कृष्ट भए।
यस्तै, काशिका मानन्धर (फेरिल्याण्ड स्कुल) लाई टर्फि समेत प्रदान गरिएको थियो ।
विद्यालयका खेल प्रशिक्षक दीपक दुलालका अनुसार प्रतियोगितामा १० विद्यालयका १४ वर्ष मुनिका २५० भन्दा बढी खेलाडीहरूको सहभागिता थियो ।
कार्यक्रममा फेरिल्याण्ड स्कुलका ५ जना राष्ट्रिय तथा अन्तर्राष्ट्रिय पदक विजेता खेलाडीहरू कृतिका कटुवाल, युनिका खतिवडा, अपेक्षा ढुङगाना, कृपा खपाङी र सुबास भुजेललाई सम्मानित गरिएको थियो ।
कार्यक्रममा बूढानीलकण्ठ नगरपालिकाका वडा न १० का वडा अध्यक्ष एवम् नगर प्रवक्ता नवराज भट्टराई, वडा नं ८ का अध्यक्ष एवम् बूढानीलकण्ठ नगर खेलकुद संयोजक सुमन तामाङ, काठमाडौं जिल्ला तेक्वान्दो संघका अध्यक्ष विक्रम खड्गीफेरिल्याण्ड स्कुलका प्रधानध्यापक विष्णुचन्द्र अधिकारीलगायतले विजेता खेलाडीलाई पुरस्कार प्रदान गर्नुभएको थियो ।
